 |
A Lentrant dou douz ter mine au tens nouiau que nait la flour en lespine et cil oisel chantent p(ar) mi la gaudine seri et biau. lors me rasaut amours fine dou tres douz mal. que ie ne pans a riens al. fors la ou mes cuers sacline |
 |
De li sont tuit mi c(on)sirre ne pa(n)s riens al. qua la bele qui remire mo(n) cuer leal. he las ie ne li os dire mo(n) greignor mal. car trop redout lescondi- re ne tant ne uaut. beneoiz soit li iornal q(ue)le me uoudra ocire. |
 |
Onq(ue)s dautre noi e(n)uie ne ia naurai. (et) se mes cuers fait folie ainsi morrai. car trop moing |
 |
greuouse uie des tres douz max q(ue) iai. he las ele ne set mie. mais se le sai. ne sai se ie li dirai. bele ne mociez mie. |
 |
A touz les iors de ma uie la seruirai (et) serai en sa baillie tant c(on) uiurai. ne ia de sa seignorie ne p(ar)tirai. (et) se briem(en)t ne mahie ie mocirai. mais ga riz sui se ien ai .i. beau sembla(n)t en ma uie |
 |
Chancons ua ten sanz demore ou douz pais ou mes cuers aime. (et) aore et soirs (et) dis. mais trop me cort li max sore dont ie languis. he dex v(er) rai ie ia lore. cun tres douz ris puisse auoir de son cler uis qui si mocit (et) acore. |
 |
Dame ualor(s) uos honore ce mest auis (et) touz iors croist (et) moillore u(ost)re bons pris. toz biens a dex en uos mis fors merci qui me demore. |