CANZONIERE Mʰ²(2)

Versione stampabilePDF version

Testo Careri 1996, p. 396.

Qan le rossinhols el foilhos,
Dona, damor enquer en pren
E mon son chan iauzen ioios
E remira sa par souen
El riu son clar el prat son gen
Per nouell deport qe reinha
Mi uen al cor grandz iois iazen.
I.
Qan le rossinhols el foilhos
dona d'amor e·n quer e·n pren,
e mon son chan jauzen joios
e remira sa par soven,
e·l riu son clar e·l prat son gen,
per novell deport qe reinha,
mi ven al cor grandz jois jazen.
Daquest amor sui tan cochos
Qe qant ieu uau uas lei corren
Veiaire mes qa reuersos
Men torne qill sen an fugen
E mos caualls hi uai tan len
Qe greu er qe lai ateinha
Samors no lam fa remaner.
II.
D'aquest'amor sui tan cochos
qe, qant ieu vau vas lei corren,
vejaire m'es q'a reversos
m'en torn e q'ill s'en an fugen.
E mos cavalls hi vai tan len,
qe greu er qe lai ateinha
s'Amors no la·m fa remaner.
De tal donna sui desiros
A cui non aus dir mon talen
Anz qant remire sas fazos
                               Totz le cors
Totz le cors men uai esperden
Dieus saurai ia tan dardimen
Qell aus dir qe patz menteinha
Pos dals non llaus merse qerer.
III.
De tal donna sui desiros,
a cui non aus dir mon talen;
anz qant remire sas fazos,
totz le cors m'en vai esperden.
Dieus, s'aurai ja tan d'ardimen
qe ll'aus dir qe patz m'en teinha
pos d'als non ll'aus merse qerer?
A qom son siei dich saboros
E siei bon fach fin e ualen
Qanc non nasqet sai entre nos
Tan bella de neguna gen
Cors ha graille delgat plazen
E non cug genzers si seinha
Ni anc homs non la poc uezer.
IV.
A! qom son siei dich saboros
e siei bon fach fin e valen:
q'anc non nasqet sai entre nos
tan bella de neguna gen;
cors ha graille, delgat, plazen,
e non cug genzers si seinha,
ni anc homs non la poc vezer.
Amors alegres part de uos
Per so qe uau mo\n/ miells qeren
E sui en tant auenturos
Qencaras nai mon cor iauzen
La merse de mon bon geren
Quem uol em apellem deinha
E ma tornat en bon esper.
V.
Amors, alegres part de vos
per so qe vau mon miells qeren;
e sui en tant aventuros
q'encaras n'ai mon cor jauzen:
la merse de Mon Bon Geren,
que·m vol e m'apell' e·m deinha
e m'a tornat en bon esper.
E qi sai reman delechos
E dieu non sec en bellien
Non sai con sia iamais pros
Ni con si ueinha gerimen
Qieu crei e sai mon escien
Qel cell cui ihu crist seinha
Segura colpa tot tener.
VI.
E qi sai reman delechos
e Dieu non sec en Bellien,
non sai con sia ja mais pros
ni con si veinh' a gerimen;
q'ieu crei e sai, mon escien,
qe·l cell cui Ihu Crist seinha
segura colpa tot tener.