| I | |
| U olez oir la muse musete. en mai fu faite un matinet.en un uergier flori uerdet au point dou ior. ou chantoient cil oiselet par grant baudor. (et) ialai faire .j. chapelet en lauerdor. ie le fis bel (et) cointe (et) net (et) plain de flor. une dancele. auenant et m(u)lt bele. gente pucele bou chete riant. qui me rapele. uien ca si uiele. ta muse en chantant. tant mignotem(en)t. |
Volez oïr la muse Musete? en mai fu faite, un matinet, en un vergier flori, verdet, au point dou jor ou chantoient cil oiselet par grant baudor, et j'alai fere un chapelet en la verdor. Je le fis bel et cointe et net et plain de flor. Une dancele avenant et mult bele, gente pucele, bouchete riant, qui me rapele: «Vien ça, si viele [...] ta muse en chantant tant mignotement!» |
| II | |
| I ala ali el praelet. atout larchet. sili ai chante le mu set par grant amor. iai mis mon cuer ensi bon cors espris damor. (et) quant ie ui son chi ef blondet (et) sacolor. (et) songe(n)t cors amoreuset (et) plain dator. mon cuer sautele por la da moisele. m(u)lt renouele ma ioie souuent. ele ot gonelle de drap de castele. qui restan cele. dous dieus ie laim tant dou cuer loiaument. |
J'alai a li el praelet atout [...] l'archet, si li ai chanté le muset par grant amor: «J'ai mis mon cuer en si bon cors espris d'amor», et quant je vi son chief blondet et sa color et son gent cors amoreuset et plain d'ator, mon cuer sautele por la damoisele; mult renovele ma joie souvent. Ele ot gonelle de drap de Castele, qui restencele. Douz Deus, je l'aim tant dou cuer loiaument! |
| III | |
| Q uant ioi deuant li uielle. por auoir samor (et) son gre. el le ma bien guerredone soe mer ci. dun baisier ama. dex que iaim si. (et) autre chose con son ami. que iauoie tant desirre. or mest meri. plus sui en ioie que ie ne soloie. quant cele est moie. que ie tant desir. ie nen prendoie auoir ne mounoie. por riens que uoie ne men quier partir. ancois uueill morir. |
Quant j'ai devant li vielé por avoir s'amour et son gré, lle m'a bien guerredoné, soe merci, d'un baisier a ma [...], Dex! que j'aim si! Et autre chose [...], con son ami, que j'avoie tant desirré: or m'est meri! Plus sui en joie que je ne soloie, quant cele est moie que je tant desir; je n'en prendoie avoir ne mounoie; por riens que voie ne m'en quier partir: ançois vueil morir! |
| IV | |
| O r acolin muset muse. (et) sa adevise chante. por la bele au uis colore de cuer ioli. maint bon morsel liadone (et) departi. (et) debon uin fort ason gre gel uos afi. ensi ason siecle mene iusques ici. encor dognoie en chantant maine ioie. m(u)lt se cointoie. quamors ueut ser- uir. sia grant ioie el uergier ou dognoie. bien se conroie bo(n) uin fait uenir. trestout aloissir. |
Or a Colin Muset musé et s'a a devise chanté por la bele au vis coloré, de cuer joli. Maint bon morsel li a doné et departi et de bon vin fort, a son gré, gel vous afi. Ensi a son siecle mené jusques ici: encor dognoie, en chantant maine joie, mult se cointoie, qu'Amors veut servir, si a grant joie el vergier ou dognoie, bien se conroie, bon vin fet venir trestout a loissir. |