| I | |
| U olez oir la muse muset. en mai fu fete un matinet. en un uergier flori uerdet au poi(n)t du iour. ou chantoient cil oise- let par grant baudor. et ialai fere un chapelet en la uerdor. ie le fis bel et cointe et net et plain de flor. une dancele aue- nant et mult bele gente pu cele bouchete riant. qui me rapele. uien ca si uiele. ta muse en chantant. tant mignotement. |
Volez oïr la muse Muset? en mai fu fete, un matinet en un vergier flori, verdet, au point du jour ou chantoient cil oiselet par grant baudor, et j'alai fere un chapelet en la verdor. Je le fis bel et cointe et net et plain de flor. Une dancele avenant et mult bele, gente pucele, bouchete riant, qui me rapele: «Vien ça, si viele [...] ta muse en chantant tant mignotement!» |
| II | |
| I alai ali el praelet. a tout la ui ele et larchet. si li ai chante le mu set par grant amour. iai mis mon cuer en si bon cuer esp(ri)s da- mors. et quant ie ui son chief blondet et sa color. et son gent cors amoreuset et si dator. mon cuer sautele. pour la damoisele. mult renouuele ma ioie souue(n)t. ele ot gounele de drap de castele. qui restencele douz dex ie laim tant. du cuer loiaument. |
J'alai a li el praelet a tout la viele et l'archet, si li ai chanté le muset par grant amour: «J'ai mis mon cuer en si bon cuer espris d'amors», et quant je vi son chief blondet et sa color et son gent cors amoreuset et si d'ator, mon cuer sautele pour la damoiselle; mult renouvele ma joie souvent. Ele ot gounele de drap de Castele, qui restencele. Douz Dex, je l'aim tant du cuer loiaument! |
| III | |
| Q a(n)t ioi deuant li uiele. pour auoir samour et son gre. elle ma bien guerredone soe merci. dun be sier a ma uolente dex que iaim si et autre chose ma donne co(m) son ami. que iauoie tant desir- re or mest meri.plus sui en ioie. que ie ne soloie. quant cele est moie que ie tant desir. ie nen prendroie. auoir ne mounoie. pour riens que uoie. ne men qi- er partir. ancois uueil morir. |
Quant j'oi devant li vielé pour avoir s'amour et son gré, elle m'a bien guerredoné, soe merci, d'un besier a ma volenté, Dex! que j'aim si! Et autre chose ma donné, com son ami, que j'avoie tant desirré: or m'est meri! Plus sui en joie que ie ne soloie, quant cele est moie que je tant desir; je n'en prendroie avoir ne mounoie; pour riens que voie ne m'en qier partir: ançois vueil morir! |
| IV | |
| O rea colin muset muse. et sa adeuise chante. pour la bele au uis colore de cuer ioli. maint bon morsel li a done et departi. et de bon uin fort a son gre gel uous affi, ensi a son siecle mene iusques ici. oncor dognoie. en chantant maine ioie. mult se cointoie quamors ueut s(er)uir. si a grant ioie. el uergier ou dognoie. bien se conroie. bon uin fet uenir. trestout aloisir. |
Ore a Colin Muset musé et s'a a devise chanté pour la bele ai vis coloré de cuer joli. Maint bon morsel li a doné et departi et de bon vin fort, a son gré gel vous affi. Ensi a son siecle mené jusques ici: oncor dognoie, en chantant maine joie, mult se cointoie, qu'Amors veut servir, si a grant joie el verger ou dognoie, bien se conroie, bon vin fet venir trestout a loisir. |