| B. de uentador(n) | B. de Ventadorn |
| I | I |
| Pel dos chan q(ue)l rossinhol fay. la nueg can mi so(n) a durmitz. reuelh de ioy totz esbaitz. be suy damors en cossir grans. cayso es mos melhors mestiers. canc amey ioy uo- luntiers. et ab ioy comensa mos chans. |
Pel dos chan que·l rossinhol fay, la nueg can mi son adurmitz, revelh de ioy totz esbaitz, be suy d’amors en cossir grans; c’ayso es mos melhors mestiers, c’anc amey ioy voluntiers, et ab ioy comensa mos chans. |
| II | II |
| Qui sabia lo ioy q(ui)eu nay. nil ioy fos tals q(ue) fos ayzitz. totz autres ioy fora petitz. uas que lo meu ioy fo- ra grans. tal sen fay cu(n)des e parliers. e cudesser ricx e sobriers de finamor q(ui)eu nay destans. |
Qui sabia lo ioy qu’ieu n’ay, ni·l ioy fos tals que fos ayzitz, totz autres ioy fora petitz vas que lo meu ioy fora grans. Tal s’en fay cundes e parliers, e cud’esser ricx e sobriers, de fin’amor qu’ieu n’ay des tans! |
| III | III |
| Soue(n) li remir so(n) cors gay. com es be(n) fatz e ge(n) chauzitz de cortezie de bels ditz. e si del pus me ue(n) talans. o pus iauria us ans e(n)tiers. si uoliesser u(er)tadiers. ta(n) es cortes e ben estans. |
Soven li remir son cors gay, com es ben fatz e gen chauzitz, de cortezi’e de bels ditz, e si del pus me ven talans, o pus i auria us ans entiers, si voli’esser vertadiers, tan es cortes’e ben estans. |
| IV | IV |
| Domna uostrom suy e seray. al uostre seruizi garnitz. uostrom suy iuratz e pleuitz. e uostres era des enans. e uos es lo meu ioy premiers. e si seretz uos lo deriers. ta(n) ca(n) la uida mer durans. |
Domna, vostr’om suy e seray, al vostre servizi garnitz. Vostr’om suy iuratz e plevitz, e vostres era des enans. E vos es lo meu ioy premiers, e si seretz vos lo deriers, tan can la vida m’er durans. |