|
Guillems desai(n)t Gregori
BEm plaz lo dolz temps de pascor. Q(ue) fai foillas e flors uenir. Eplaz me qant aug labaldor. Dels ausels que fan retentir. lor chan pel bos cage. Eplaz me qant uei sobrels praz. Tendas e pauillons fermaz. Et ai gran alegraie. Qan uei per campaingna rengaz. Cauailliers en cauals ar maz.
Eplaz mi qan li corredor. fan las ge(n)z elauer fugir. Eplaz me qan uei ap(re)s lor. Gran ren darmaz ensems fugir. Eplaz me mon corage. Qant uei forz chastels assetiaz. Eill bari roz edesfron saz. Euei lost el riuage. Qes claus de murs ede fossaz. Ablissas de fortz pals setiaz.
Et autressim plaz de seingnor. Qant es premiers al enuair. En caual armaz ses temor. Caissi fai los seus enardir. Aua len uassalage. Epuois qel estor(n)s es mesclaz. Chascuns deu esser asesmaz. Esegrel dagra dage. Car nuillz hom non es re prezaz. Tro camanz colps pres edonaz.
Machas ebranz elms de color. Escuz tran car edescarnir. Veirem alentrar delesto(r). Emainz uasals esems ferir. Don aneran ara ge. Cauals dels morz e dels naffraz. Eqan serem el estor intraz. Chascuns hom de pa rage. no pens mas dasclar caps ebraz. Car mais ual morz que uius sobraz. |