|
Bertrans del born. Bem platz lo douz temps de pascor. Q(ue) fai foillas eflors uenir. Eplatz me quan uei la baldor. Delz auselz que fan retentir. Lor chan p(er) lo bos cage. Em platz quan uei sobrels pratz. Tendas epa uillos fermatz. Er ai grant alegratze. Quan uei p(er) canpai(n)gna rengatz. Caualliers ecauals armatz. Eplatz mi quan li corredor. Fan las genz elauer fugir. Eplatz me quan uei apres lor. Gran re(n) dar- matz ensems uenir. Eplatz me mout en mo(n) cora- ge. Quan uei fortz castels aseiatz. El beri totz es es- fondratz. Euei lost el riuage. Ques tot entorn clau de fossatz. Ablichas de fortz pals seiatz. Et atressim platz de sei(n)gnor. Quant es p(re)miers alenuair. En caual armat ses temor. Caissi fai los sieus enardir. Aualen uassalatge. Epois quel estors es mesclatz. Echascus deu esser acesmatz. Esegrel dagradatge. Que nuls hom no(n) es ren prezatz. Tro qua mai(n)z colps pres edonatz. Lanssas ebrans elms de color. Escutz tra(n)car ede sgarnir. Veirem alentrar del estor. Emainz uassals ensems ferir. Don auaran aratge. Cauals dels mortz edels naffratz. Equan seren en lestor entraz. Cascus hom de paratge. No(n) pens mas dasclar caps ebratz. Que mais ual mors q(ue) uius sobratz. Ieus dic que tant nomasabor. Maniars ni beu re ni dormir. Com a quant aug cridar alor. Dambas las partz et aug enguir. Cauals uoiz p(er) lerbatge. Et aug cridar aiatz aiatz. Euei cazer p(er) los fossatz. Paucs egrans p(er) lombrage. Euei los mortz q(ue) pels costatz. ablos penons ablos rendatz. Baros metetz engatge. Castels ouillas ociutaz. Enans cus quecs nos guerreiatz.
|