Tu sei qui

Edizione diplomatica

	c. 281r
	Bertrans de born. Gent part nostre reis liou- randa. Per so son tuit gras. sei engles enou eras. E chascus porta guirlanda. E frances son roillos de portar la garni- zos. E soffront fam e set eploia euen. El reis conquer l’autrui el seu defen. Reis que gran terra dema(n)- da. Parque fassa gas. Qan qui au non trai de pas. Ni chausa de fer no(n) randa. Ben fel reis ques coraios. Car uenc sai en- trels bretos. Mas cel honors tornara a m’en. Ses tals la fis com lo comensamen. Guerra uol com sanc espa(n)- da. E com foc nabras. E que ia no(n) sia las. De donar ni meta ga(n)da. Queu sei fraires aitals dos. Lus es reis lautre coms pros. Mas ges no(n) ditz uertat aicel que men. Ni toit lauzat no son pro ni ualen. Als baros qui argen blanda. sirventes diras. Quenanz que passon lo pas. Veion sil er fou- datz granda. sil er sens oda(n)z
	c. 281v
	o pros. Car per seignor dormillos. No uoill intrar en gerra ni enconten. Car greu conquer ho(m) ben terra dormen. Breton son for de garanda. E son donor bas. Car uns coms de san tomas. Entret en brese- lianda. Ben paron de bon cor blos. Etornat de sus en ios. Car los artus demandon freu olmen. Non dirai plus. Car negus nom enten. Sirventes uai ten cochos. Al comte canonnugos. Car el ual tan eue sap. e sen. Que ia no uol penre maluatz argen.