 |
B(er)nat d(e) uente- LAn quan fuelhon dorn. bosc e guarric. elh flors pareys e uerdura. pels uerdiers e pels pratz. els auzels quan estat enic. son guays de sotz los fulhatz. atres- sim chant emesbaudei. e reuer- dei. e fuelh segon ma natura. Ges dunamor nom tuelh nim gic. don sui engran bonaue(n)tura. segon mon esper intratz. quar sui tengutz per fin amic. lai on es ma uoluntatz. que re mai sotz cel non enuei. ni ues autra part no sopley. ni dautra no sui en cura. Ben a maluatz cor e mendic. sel |
 |
qui ama e nos melhura. quieu sui daitan melhuratz. quome de mi no uey plus ric. quar sai q(ui)eu am e sui amatz. per la gensor q(ue) anc dieus fey. ni que sia el mon so crey. tan quan ten terra ni du ra. Anc no fui per lieys gua liatz. ni no crey quelam castic. tant es fina samistatz. quela ias biays nis uaire. ni per autre ge- quisca mey. segon que mos cors saugura. Midons prec nom lais per castic. ni pel gelos folha- tura. que nom senta entre sos- bras. quar ieu sui sieus plus quieu non dic. (et) o serai totz te(m)ps sil platz. que per lieys mes belh tot quan uey. e port el cor on q(ue) mestey. sa beutat e sa faitura. Anc nouis home tan antic. si a bona mor ni pura. e per sido(n)s es ben amatz. no sia guays neis seis ebic. si es de ioy pres eliatz. que fols coue que foley. e de sa- ui que cabaley. que pretz li cre(s) ca elh melhura. |