 |
| B. de uentador(n) Pel dos chan q(ue)l rossinhol fay. la nueg can mi so(n) a durmitz. reuelh de ioy totz esbaitz. be suy damors en cossir grans. cayso es mos melhors mestiers. canc amey ioy uo- luntiers. et ab ioy comensa mos chans. Qui sabia lo ioy q(ui)eu nay. nil ioy fos tals q(ue) fos ayzitz. totz autres ioy fora petitz. uas que lo meu ioy fo- ra grans. tal sen fay cu(n)des e parliers. e cudesser ricx e sobriers de finamor q(ui)eu nay destans. |
 |
| Soue(n) li remir so(n) cors gay. com es be(n) fatz e ge(n) chauzitz de cortezie de bels ditz. e si del pus me ue(n) talans. o pus iauria us ans e(n)tiers. si uoliesser u(er)tadiers. ta(n) es cortes e ben estans. |
 |
| Domna uostrom suy e seray. al uostre seruizi garnitz. uostrom suy iuratz e pleuitz. e uostres era des enans. e uos es lo meu ioy premiers. e si seretz uos lo deriers. ta(n) ca(n) la uida mer durans. |