Edizione diplomatica

Schede primarie

Versione stampabilePDF version
 

  B[…]tadorn.
  […]B ioy mou lo  
  […]ers el come(n)s.
  […]ab ioy rema(n)
  […]fenis. e sol
  […]ue bona fos
  […]fis. bos sai
  […]uer lo come(n)-
  […]mens. per la
  […]ona come(n)-
  sansa mi uays ioys et alegran-
  sa. Per q(ui)eu deg mais la bona fi
  grazir. quar totz los faitz aug
  lauzar al fenir.  

  Duna ren ma onda mos sens.
  quanc nulhs hom mon ioy
  nom enquis. quieu uolu(n)tiers
  no len mentis. quar nom par
  bos essenhamens. an es folia et
  enfansa. qui damor a benena(n)-
  sa. qua zom nauze son fin cor
  descubrir. si no len pot o ualer
                                      o seruir.

  Si ma poderal ioys
  em uens. quem merauilh cum
  o sofris. qur non dic e no(n) em
  brugis. cum suy aissi guays e
  iauzens. mas greu veiretz fi
  namansa. ses paor e ses dupta(n)-
  sa . qua des tem hom uas so qua-
  ma falhir. per quieu nom aus
  de parlar en ardir.
  Belha donal uostre cors gens.
  el uostre belh huelh man conq(ui)s.
  el dous esguar e lo clar uis. e la
  bella boca rizens. que quan ben
  men pren esmansa. de beutat no(us)
  truep esguansa. la genser etz
  quom puesc el mon chauzir. o
  noy ueg clar dels huelhs ab qe(us)
  remir.
 

  Non es enuegz ni falhimens.
  ni uilania so mes uis. mas do-
  me quan se fa deuis. dautrui a- 
  mor ni conoissens. enoios e que(us)
  enansa. sim faitz enueg ni peza(n)-
  sa. quasqus si deu de so mestier
  formir. me cofondetz e uos non
                                    ueg iauzir.

  Ia sa bella boca ri-
  zens. no cugei baizan me trays.
  mas ab un dous baizar maucis.
  e sab autre no mies guirens. a-
  tressi mes per semblansa. cum
  fo de peleus la lansa. que de son
  colp no podi hom guerir. si p(er) eys
  loc no sen fezes ferir.

  Ben estai a domnardimens. en
  trauols gens e mals uezis. e si
  bon cor non lafortis. greu pot
  esser pros ni ualens. per quieu
  prec naya membransa. la belen
 cui ai fizansa. que nos camie p(er)
  paraulas nis uir. quenemix q(ua)i
  fatz denueya murir.
  Beluezer senes duptansa. uos-
  tre pretz creys et enansa. q(ue) tans
  sabetz de plazers far e dir. per
  quieu de uos amar nom puesc
                                          sufrir. 
  Ben deg auer alegra(n)sa
  quen tal domnai mesperansa. q(ue)
  quin ditz mal no pot plus lag
  mentir. e q(ui)n ditz be no pot pl(us)
  belh uer dir.
  • letto 448 volte