 |
| Q vant ie voj pluz felons rire. (et) envoisier (et) chanter. (et) voj ke chascuns sospire. fausement por miex giller. lors me fait desconforter amors ki mes maus empire. (et) ma done tel martire ki sans morir me fait doloir. Amors font de moj lor voloir. jendur les maus por ioie auoir |
 |
| Molt par est cruex li sire. com sert de cuer sans fauser. ki se coroce (et) aire. q(ua)nt il doit guerredoner. mais .c. tans fait ablasmer. ma dame ou mes cuers se mire. la meudre com puist eslire. la miex vaillans des millors Se ie laim ne men blasmes mie mes fins cuers ne pense aillors. |
 |
| Tant redoc son escondire (et) son orgellex parler. q(ua)nt la voj si nos riens dire plain- dre ne merchi crier. si me soulas em penser. car aillors mes cuers ne tire. si cant q(ua)nt plus la remire. ie men lo (et) si men duel. Encor soient chi mj oel sest mes cuers la ou ie voil. |
 |
| Molt est amors fiere (et) dure a cex ki font son talant. (et) mains itroue mesure. cil ki la sert boinement. amors plus ne vos demanc de tos vos biens fors droiture (et) ke ne me puissent nuire faus (et) felon ki mont mort Jai tout p(er)du por loiaument amer non q(ue)s nen euc ne soulas ne deport |
 |
| Vns dous espoirs ma seure ki me resioist souent. kainc tant belle creature nama nus en son vivant. riens ne faut en son cors gant. ne en sa simple figure. fors ta(n)t ke de moj na cure. dont ie morraj den vie Aler mestuet el douc pais ou ie morraj den vie |