| I | |
|---|---|
|
P orlameillor conques for |
Por la meillor c'onques formast Nature chant en espoir d'avoir alegement. onc Deus ne fist si bele criature, toute ualor en li croist et reprent; ce me semont de chanter liement: que tant la sai bele et vaillant et sage. si voirement con l'aim de fin corage, soient par li alegie mi torment. |
| II | |
| M es en si est que resons (et) droiture dient que iai esploitie folem(en)t. ence que iai trophaut mise ma cure. mesce quamors me coumande (et) aprent. ne por roie refuser sans outrage. qui b(ie)n la sert ment enuaut son aage. por ce fet bon deuenir de sa gent. |
Mes ensi est que resons et droiture dient que i'ai esploitie folement en ce que i ai trop haut mise ma cure, mes ce qu'amors me coumande et aprent ne porroie refuser sans outrage: qui bien la sert ment en vaut son aage, por ce fet bon devenir de sa gent. |
| III | |
| P orce la serf nus ho(n)s nese doit faindre damors ser uir. car tos b(ie)ns uient deli. ma ioie puet esforcier (et) estaindre; sidoucement conques nele sen ti. enbla mon cuer (et) madame . ensesi. qui b(ie)n me puet alegier ma greuance (et)sil li plest que mui re en atendance. si laim ie tant quil me plest b(ie)n ausi. |
Por ce la serf nus hons ne se doit faindre d'amors seruir car tos biens uient de li: ma ioie puet esforcier et estaindre si doucement c'onques ne le senti; enbla mon cuer et madame en sesi, qui bien me puet alegier ma grevance, et s'il li plest que muire en atendance si laim ie tant qu'il me plest bien ausi. |
| IV | |
| Q(ua)nt plus me uoi guerroier (et) destrai(n) dre damaus damors qui nemo(n)t pas guerpi. meus aim (et) plus est la pensee graindre. dont ie uos serf dame sachies defi. sima uers uos fine amors enhardi. do uce dame ne laies enuiltance. cu er b(ie)n apris h(er)bergies en uaillan ne mocies ienelai deserui. |
Quant plus me voi guerroier et destraindre da maus d'amors qui ne m'ont pas guerpi, meus aim et plus est la pensee graindre, dont ie vos serf, dame, sachies de fi; si m'a vers vos fine Amors enhardi, douce dame, ne l'aies en viltance, cuer bien apris herbergies en vaillance, ne m'ocies ie ne l'ai deserui! |
| V | |
| M on cuer aues tres bone dame chiere. puis quamors lamis enu(os)t(r)e dangier. ienelendoi partir ne t(r)e re. meuz aim morir que seuoie elloignier. car uns espoirs medit et fet cuidier. concor aurai re couurier alaioe. la ou pardroit auenir ne porroie. ormipuist dex (et) fine amor aidier; |
Mon cuer aves, tres bone dame chiere, puis qu'amors l'a mis en vestre dangier; ie ne l'en doi partir ne trere arriere: meus aim morir que le voie elloignier, car uns espoirs me dit et fet cuidier c'oncor aurai recouvrier a la ioie la ou par droit auenir ne porroie. Or mi puist Deus et fine Amor aidier. |
| VI | |
| C han con uaten penses delesploitier. droit auuaugon guion (et) sili proie. quil soit amanz que q(ua)n sen amor sotroie . meuz en vau d(r)a por sonor essaucier. |
Chancon, va t'en, penses delesploitier droit au Vaugon Guion et si li proie qu'il soit amans, que sen Amor s'otroie, meus en vaudra por s'onor essaucier. |