Tu sei qui

Revisione di Edizione diplomatico-interpretativa del Ven, 31/08/2018 - 11:19

I
Pour la meilleur conq(ue)s for mast nature; chant en espoir da uoir alegement . onc dex ne fist si bele criature; toute biaute enli croist et reprent. ce me semont de chanter liement. que tant la sai bele et uaillant et sage. si uoirem(en)t com laim de fin corage; soient par li alegie mi torment.	Pour la meilleur c'onques formast Nature chant en espoir d'avoir alegement. Onc Dex ne fist si bele criature, toute biauté en li croist et reprent; ce me semont de chanter liement: que tant la sai bele et vaillant et sage. Si voirement com l'aim de fin corage, soient par li alegie mi torment.
II
Mes ensiest que resons et droiture; dient que iai esploitie foleme(n)t entant que iai trop haut mise ma cure; mes ce quamors me coumande et aprent. ne porroie refuser sans outrage. qui b(ie)n la sert melz en uaut son aage pour ce fet bon duenir de sa ge(n)t.	Mes ensi est, que Resons et Droiture dient que j'ai esploitie folement en tant que j'ai trop haut mise ma cure, mes ce qu'Amors me coumande et aprent ne porroie refuser sans outrage: qui bien la sert mels en vaut son aage, pour ce fet bon devenir de sa gent.
III
P our ce la ia serf nus hons ne se doit faindre; damours seruir car tous biens uient de li. ma ioie puet efforcier et es traindre; si doucement conq(ue)s ne le senti. enbla mon cuer et madame en sesi. qui bien me puet alegier ma greuance. et sil li plest que muire en a tendance. si laim ie tant qil me plest bien ausi.	Pour ce la serf, nus hons ne se doit faindre d'Amours servir, car tous biens vient de li: ma joie puet efforcier et estraindre si doucement c'onques ne le senti; enbla mon cuer et ma dame en sesi, qui bien me puet alegier ma grevance, et s'il li plest que muire en atendance, si l'aim je tant q'il me plest bien ausi.
IV
Quant plus me uoi guerroier et des traindre; des maus damors qui ne mont pas guerpi. mez aim et plus est la pensee grai(n) dre; dont ie uous serf dame sachies de fi. si ma uers uous fine amour enhardi. douce da ne laiez en uiltance. cuers bien apris herbegies en uailla(n) ce. ne mociez ie ne lai deserui.	Quant plus me voi guerroier et destraindre des maus d'amors qui ne mont pas guerpi, mes aim et plus est la pensee graindre, dont ie vous serf, dame, sachiés de fi; si m'a vers vous fine Amour enhardi, douce dame, ne l'aiez en viltance; cuers bien apris herbegies en vaillance, ne m'ociés, je ne l'ai deservi.
V
Mon cuer aues tres bone dame chiere; puis quamors la mis en uostre dangier ie ne len doi partir ne trere ar riere; melz aim morir quele(n) uoi elloignier. car uns espo irs me dit et fet cuidier q(ua)n cor aurai recouurier a la ioie; la ou par droit auenir ne de uroie. or mi puist dex et fi ne amour aidier.	Mon cuer avés, tres bone dame chiere, puis qu'Amors l'a mis en vostre dangier; je ne l'en doi partir ne trere arriere; mels aim morir qu'ele voi elloignier, car uns espoirs me dit et fet cuidier qu'ancor aurai recouvrier a la joie la ou par droit avenir ne devroie. Or mi puist Dex et fine Amour aidier.