| I | |
|---|---|
| Anuis (et) desesperance. mont fait targier de can ter. or ai une ramembrance. ki me fait ratalenter. de cancon trouer. pour la bele qui jaour. qisur toutes a biaute (et) ualour. |
Anuis et desesperance m'ont fait targier de canter. Or ai une ramembrance ki me fait ratalenter de cançon trover pour la bele qui j'aour, qi sur toutes a biauté et valour. |
| II | |
| Sitost conui sasamblance. son tres bel uiaire cler. (et) sa bele contenance. q(ue)tous li mo(n)s doit loer. couuint demourer. mon cuer a li sans retour. dont joumerci souuent loial am(our). |
Si tost con vi sa samblance, son tres bel viaire cler et sa bele contenance que tous li mons doit loer, couvint demourer mon cuer a li sans retour, dont jou merci souvent loial Amour. |
| III | |
| Certes richement mauance. boine amour audroit parler. Q(ui) dame de tel uaillance. me fait seruir (et) amer. (et) li bel penser. ki me menent nuit (et) jour. me font sentir mal de douce sauour. |
Certes richement m'avance boine Amour, au droit parler, qui dame de tel vaillance me fait servir et amer et li bel penser ki me menent nuit et jour me font sentir mal de douce savour. |
| IV | |
| Madame aim entel doutance. kali ne mos dolouser. de lamo ureuse grauance. ki souuent me fait plourer. (et) joie mener de ma mesestance plour. (et) ca(n)t cou q(ue) joulaim sans folour . |
Madame aim en tel doutance k'a li ne m'os dolouser de l'amoureuse gravance ki souvent me fait plourer et joie mener. De ma mesestance plour et cant çou que jou l'aim sans folour. |
| V | |
| Amours si con jai uoellance. de dmadame foi porter. uoil lies uous par uo poissance. q(ue) pour moi reconforter. me uoeille douner joie. sans sades ounour. car janel kier auoir par autre tour. |
Amours, si con j'ai voellance de ma dame foi porter, voilliés vous par vo poissance que pour moi reconforter me voeille douner joie sans sa desounour, car ja n'el kier avoir par autre tour. |