  |
A Rem al freg temps uengut. Quel gels el neus ela faingna. Eill auselet estan mut. Cus de chantar no la fraigna. Eson sec li rams pels plais. De flors ni fuoilla noinais. Ni rossignolls noi c(ri)da. Que lam emai mereissida. Tant ai lo cors deseubut. Per quieu soi a totz estraingna. Esai que lom aperdut. Mot plus tost que non gazaingna. Esieu faill ab motz uerais. Daurenga me moc lesglais. p(er) queu ne stauc esbaida. Enpert solatz epa(r) tida. Domna met mout mal samor. Que ab ric home plaideia. Ab plus aut de uauasor. esill ofai ill follera. Quar so dison enuel lai. Que ges per ricor no(n) uai. Edomna q(ue) nes chauzida. en tenc per enuilan(i)da. Amic ai de gran ualor. Que sobre totz sei gnoreia. Enon acor trichador. Vas me que samor mautreia. Eu dic que mamo rs leschai. Ecel que dis que no(n) fai. Dieus li don mal escarida. Queu men teing fort per guerida. Bels amics de bon talan. Son ab uos totz iorn engatge. Cortesa ede bel semblan. Sol no(n) demandes outratge. Tost enuei(n)re(m) al assai. Qen uostra mercem metrai. Vos mauez la fe pleuida. Que no(n) dema(n)des fai llida. A dieu coman bel esgar. Eplus la ciutat daurenga. Egloretel caslar. El seingnor de proensa. Etot quant uol mon ben lai. Elarc on son fag lassai. Cellui perdei ca ma uida enserai totz iornz marrida. Ioglars que auetz cors gai. Ves narbona portatz lai. Ma chanson abla fenida. Lei cui iois eioe(n)z guida. |