| I. |
| JOie ne guerredons damours ne vienent pas par bel seruir. car ont voit chaus souuent. faillir ki seruent sans aillours. si men air. q(ua)nt celi serf sans repentir. ki ne me veut faire secours. |
| Joie ne guerredons d'Amours ne vienent pas par bel servir, car ont voit chaus souvent faillir ki servent sans aillours si m'en aïr, quant celi serf sans repentir ki ne me veut faire secours. |
| II. |
| Voirs est camours est grans doucours. quant doi cuer sont .i. sans partir. mais amours fait lun seul languir. (et) les anuis sentir tous iours. bien os gehir q(ue) ne puis a amours venir. en amors gist tous mes secours. |
| Voirs est c'Amours est grans douçours quant doi cuer sont .i. sans partir, mais Amours fait l'un seul languir et les anuis sentir tous jours. Bien os gehir que ne puis a Amours venir: en Amors gist tous mes secours. |
| III. |
| Li grans pris (et) li g(ra)nt doulcors de la bele qui tant desir. sa beau- tes quen mon cuer remir. ses clers uis sa fresce coulour. me font chierir ma mort boenement (et) soufrir les maus damer (et) les dolors. |
| Li grans pris et li grant doulçors de la bele qui tant desir, sa beautés qu'en mon cuer remir, ses clers vis, sa fresce coulour me font chierir ma mort boenement et soufrir les maus d'amer et les dolors. |
| IV. |
| La bele des nompers la flour ne faites vostre pris mentir. par trop merci c(on)tretenir. cains q(ue) uos uiegne desho- nors voel miex morir. si nara en vos caco(n)plir. ne rien ne feres a rebours. |
| La bele, des nompers la flour, ne faites vostre pris mentir par trop merci contretenir! C'ains que vos viegne deshonors voel miex morir. Si n'ara en vos c'aconplir, ne rien ne ferés a rebours. |
| V. |
| Ia niert perie ma labours. se fins cuers puet damors ioir. mais ie criem par trop haut choi sir. ne soit mes guerredons trop cours. par son plaisir. li proi de merchi acoillir au- mosne li ert (et) honors. |
| Ja n'iert perie ma labours se fins cuers puet d'Amors joïr, mais je criem par trop haut choisir ne soit mes guerredons trop cours. Par son plaisir, li proi de merchi acoillir: aumosne li ert et honors. |