| I | |
| Contre le douc tans de mai. se doit chascuns es joir. mais jou q(i)cuer ai entier en plain. yuer chanterai. pleuue (et) noif ausi kier ai. con chans doisiaus aoir. tout me uient si aplaisir. q(e)ja ne mereqerrai. damours seruir. pour mal soufrir. |
Contre le douç tans de mai se doit chascuns esjoir, mais jou, qi cuer ai entier, en plain yver chanterai, pleuve et noif ausi kier ai con chans d'oisiaus a oir, tout me vient si a plaisir qe ja ne me reqerrai d'Amours servir pour mal soufrir, |
| II | |
| J aim toutans sans repentir. (et) tout ades amerai. che li oumon cuer misai. si q(e)ne len puis partir. qant son uiaire remir. sa fachon (et) son cors gai. amours si bon gre en sai. q(e) ja pour nul mal soufrir. ne reqerrai de li seruir. |
J'aim toutans sans repentir et tout adés amerai cheli ou mon cuer mis ai, si qe ne l'en puis partir; qant son viaire remir, sa fachon et son cors gai, amours si bon gré en sai qe ja pour nul mal soufrir ne reqerrai de li servir. |
| III | |
|
Tresche q(e) joules gardai. premie rement aloisir. fui ie pris sans re uenir. (et) enceste pel morrai. ja de cheste pel nistrai. or me puet faire morir. v mon seruiche merir. q(ant) ia ne me reqerrai. damours seruir. pour mal soufrir. |
Tres che qe jou l'esgardai premierement a loisir, fui je pris sans revenir et en ceste pel morrai, ja de cheste pel n'istrai, or me puet faire morir u mon serviche merir qant ja ne me reqerrai d'Amours servir pour mal soufrir. |
| IV | |
| Iou ne me puis plus tenir. de dire cou q(e) gi sai. ele achief blont crepe (et) bai. sens pour tout lemont trair. maintien q(i)me fait fremir. cuer douc (et) auer (et) urai. he las pour koi lacointai. qant ja pour nul mal soufrir. nereqerrai de li seruir. |
Jou ne me puis plus tenir de dire cou qe g'i sai: ele a chief blont, crepe et bai, sens pour tout le mont trair maintien, qi me fait fremir, cuer douç et aver et vrai. He las! Pour koi l'acointai qant ja pour nul mal soufrir ne reqerrai de li servir? |
| V | |
| Se je sui en grant esmai. qel ne me ueille tolir chascuns q(i) la puet veir. Nule autre doutan che nai amours je me derue rai, se che uoles consentir kau tres ne porroit jouuir. cou dont jane reqerrai de li seruir pour mal soufrir. |
Se je sui en grant esmai qel ne me veille tolir chascuns qi la puet veir. Nule autre doutanche n'ai: Amours, je me derverai se che volés consentir, k'autres ne porroit jouuir cou dont ja ne reqerrai de li servir pour mal soufrir. |