Edizione diplomatica

Ie cheuauchai lautrier la

matinee. delez un bois assez pre(s)
delentree. gentil pastore truis.
mes ne ui onques puis. si plai
ne de deduis. ne qui si bien ma-
gree. ma tres doucete suer. uos
auez tout mon cuer. ne vous

leroie anul fuer mamor uous

ai donee. Vers li me tres
si descendi a terre.
pour li uoer (et) por
samor requerre. tout mainte
nant li dis. mon cuer ai en uos
mis. si ma uostre amor sorpris
plus uous aim que riens nee.
ma tres. Ele me dist sire alez
uostre uoie. uez ci uenir robin
qui iatendoie. qui est et bel
et genz. sil uenoit sanz co(n)te(n)s.
nen iriez pas ce pens. tost a-
uriez mellee. ma tres. Ilne
uendra bele suer oncor mie.
il est de la le bois ou il cheurie.
deioste li massis. mes braz au
col li mis. ele ma gete unris
et dit quele ert tuee. ma tres.
Quant ioi tout fet de li q(ua)n
qil magree. ie la besai adieu
lai conmandee. puis dist q(ue)n
lot mult haut. robin qui len
assaut. dehez ait hui qui en
chaut ca fet ta demoree. ma
tres doucete suer.