1
C: Amors tenson et bataille
U: Amors tençon et bataille
2
C: vers son champion ait prise
U: vers son champion a prise
3
C: ke por li tant se travaille
U: qui por li tant se travaille
4
C: k’a desranier sa franchisse
U: q’a desrainier sa franchise
5
C: ait toute s’entente mise
U: a tote s’entente mise
6
C: n’est drois c’a sa mercit faille
U: s’est droiz q’a merci li vaille
7
C: maix elle tant ne lou prixe
U: mais ele tant ne lo prise
8
C: ke de s’aïde li chaille
U: que de s’aïe li chaille
9
C: Ki ke por Amor m’asaille
U: Qui qe por Amors m’asaille
10
C: sens lowier et sens faintise
U: senz loier et sanz faintise
1
C: pres sui k’en l’estor m’en aille
U: prez sui q’a l'estor m’en aille
12
C: ke bien ai la poene aprise
U: qe bien ai la peine aprise
13
C: maix je crien k’en mon servixe
U: mais je criem q’a mon servise
14
C: guerre et aïue li faille
U: guerre et aïue li faille
15
C: ne veul estre en nulle guisse
U: ne qier estre en nule guise
16
C: si frans k’en moy n’ait sa taille
U: si frans q’en moi n’ait sa taille
17
C: Nuls, s’il n’est cortois et saiges
U: Nuns, s’il n’est cortois et sages
18
C: ne puet riens d’Amors aprendre
U: ne puet d’Amors riens aprendre
19
C: maix teilz en est li usaiges
U: mais tels en est li usages
20
C: dont nulz ne se seit deffendre
U: dont nus ne se seit deffendre
21
C: k’elle veult a l’autre vendre
U: q’ele vuet l’entree vandre
22
C: et keilz en est li paisaiges
U: et quels en est li passages
23
C: Raixon li covient despendre
U: Raison li covient despandre
24
C: et metre mesure en gaige
U: et mettre mesure en gages
25
C: Fols cuers ligiers et volaiges
U: Fols cuers legiers ne volages
26
C: ne puet riens d’Amors aprendre
U: ne puet rien d’Amors aprendre
27
C: teils n’est pais li miens coraiges
U: tels n’est pas li miens corages
28
C: ki sert sens mercit atandre,
U: ainz sert senz merci atendre,
29
C: ains ke mi cuidaisse prandre
U: ainz que mi cudasse prendre
30
C: fui vers li durs et savaiges
U: fu vers li durs et salvages
31
C: or me plaist sens raixon rendre
U: or me plaist senz raison rendre
32
C: ke cest prous soit mes damaiges
U: k’en son prou soit mes damages
33
C: D’Amors ne sai nulle issue
U: D’Amors ne sai nule issue
34
C: ne jai nulz ne la me die
U: ne ja nus ne la m’en die
35
C: muër puet en cest mue
U: muër puet en ceste mue
36
C: ma plome toute ma vie
U: ma plume tote ma vie
37
C: […]
U: Mes cuers ni muerat mie
38
C: s’ai en celi m’atendue
U: s’ai g’en celi m’atendue
39
C: ke je crien ke ne m’ocie
U: qe je dout qi ne m’ocie
40
C: ne por ceu cuers ne remue
U: ne por ceu cuers ne remue
41
C: Se mercis ne m’en aiuwe
U: Se merciz ne m’en aiue
42
C: et pitiés ki est perdue
U: et pitiez qi est perdue
43
C: tant iert la guerre fenie
U: tart iert la guerre fenie
44
C: ke j’ai lonc tens maintenue
U: que j’ai lonc tens maintenue