I
1 Por la meillor c'onques formast Nature
chant en espoir d'avoir alegement.
Onc Deus ne fist si bele criature,
toute valors en li croist et reprent;
5 ce me semont de chanter lïement:
que tant la sai bele et vaillant et sage.
Si voirement con l'aim de fin corage,
soient par li alegie mi torment.
3. Onc] Ainz O 4. toute] joie et X; valors] biauté K, valor N 7. voirement] doucement X 8. torment] toment N
II
Mes ensi est, que Resons et Droiture
10 dïent que j'ai esploitié folement
en ce que j'ai trop haut mise ma cure,
mes ce qu'Amors me coumande et aprent
------------------------------------- *
ne porroie refuser sanz outrage:
qui bien la sert ment en vaut son aage,
15 por ce fet bon devenir de sa gent.
9. Mes] Nes X 11. ce] tant KOX * Mancante in tutti mss 14. ment] melz KOX
III
Por ce la serf, nus hons ne se doit faindre
d'Amors servir, car toz biens vient de li:
ma joie puet esforcier et estaindre
si doucement c'onques ne le senti;
20 enbla mon cuer et ma dame en sesi,
qui bien me puet alegier ma grevance,
et s'il li plest que muire en atendance,
si l'aim je tant qu'il me plest bien ausi.
16. se] s'en O 17. Amors] Amour O 18. esforcier] efforcier K, enforcier X; et] ou X; estaindre] estraindre KX 22. s'il li] se li O; atendance] tendance X
IV
Quant plus me voi guerroier et destraindre
25 des maus d'amors qui ne m'ont pas guerpi,
meuz aim et plus est la pensee graindre,
dont je vos serf, dame, sachiés de fi;
si m'a vers vos fine Amors enhardi,
douce dame, ne l'aiés en viltance;
30 cuer bien apris herbergiés en vaillance,
ne m'ocïez, je ne l'ai deservi.
25. des] da N 26. meuz aim et plus est la pensee] et quant mieuz aim ma pensee plus O 27. dont] donc O
V
Mon cuer avez, tres bone dame chiere,
puis qu'Amors l'a mis en vostre dangier;
je ne l'en doi partir ne trere arriere:
35 meuz aim morir que l'en voie elloignier,
car uns espoirs me dit et fet cuidier
c'oncor aurai recouvrier a la joie
la ou par droit avenir ne porroie.
Or mi puist Dex et fine Amor aidier.
34. arriere] manca in N 38. porroie] devroie KOX
VI
40 Chançon, va t'en, penses de l'esploitier
droit au Vaugon Guion et si li proie
qu'il soit amans, que s'en amor s'otroie
meus en vaudra por s'onor essaucier.