| BOne amour cruel ma naie. chemest uis. prendes de moi engrief paie. chans faillis. mest si tost vos bries. respis. or ne sai quel part jou traie. car dumal dont sui garis. me reno vele la plaie. or sui tous fis. q(ue) dumal do(n)t sui garis. me renouuele la plaie. or sui tous fis. q(e) sainc trais mal deuous cor atent pis. |
I. Bone Amour, cruel manaie, che m'est vis, prendés de moi en grief paie, chans faillis m'est si tost vos briés respis! Or ne sai quel part jou traie, car du mal dont sui garis me renovele la plaie. Or sui tous fis que du mal dont sui garis me renouvele la plaie. Or sui tous fis qe s'ainc trais mal de vous c'or atent pis! |
| Car de uo dangier cuidai estre partis. pau set bien q(ui)mal nassaie or sui re pris. siere batus (et) despis. con cler fuitis qui ses uaie. Car si sui demal apris. qa des quit q(ue) biens meschaie. plus en uis. q(ue) seu se este souuent con jois. |
II. Car de vo dangier cuidai estre partis: pau set bien qui mal n'assaie! Or sui repris: si ere batus et despis, con cler fuitis qui s'esvaie, car si sui de mal apris q'adés quit que biens meschaie plus envis que s'eüse esté souvent conjoïs. |
| Chil qui guerredons delaie. muert dous uis. engrant cruaute sentaie. cuers gentis. qui fait samblant ne dous ris. q(ui)l ne toine ne retraie. cha fiert al laniers faintis. ki on a becke (et) adaie. fameis. pour pl(us) estre aigre (et) uolenteis. |
III. Chil qui guerredons delaie muert dous vis. En grant cruauté s'entaie cuers gentis qui fait samblant ne dous ris qu'il ne toine ne retraie: cha fiert al laniers faintis ki on abecke et adaie, fameïs, pour plus estre aigre et volenteïs. |
| Mais nest mest(i)ers c(on)matraie. p(ar) tieus dis. qar ne sui muiiers de haie. ne souris. ains sui souue niers ton dis. damer dame cointe (et) jaie. a gent cors (et) a cler vis. plus drois q(ue) uns ars netraie. ma asis. vn regart damours el cuer demon pis. |
IV. Mais n'est mestiers c'on m'atraie par tieus dis, qar ne sui muiiers de haie ne souris, ains sui souveniers ton dis d'amer dame cointe et jaie a gent cors et a cler vis. Plus drois que uns ars ne traie m'a asis un regart d'amours el cuer de mon pis. |
| Et seie dutouz mesmaie. (et) tie(n) pensis. ken puis sor ne mi rapaie. mar es lis orgeus (et) valour (et) pris. q(ui)ne suefre q(ue) bien aie. mais c(on)t(re) orguel sui garnis. detant c(on) ientieus cuers fraie. ses abis. si crois doucours (et) pities (et) mer chis. |
V. Et se je du touz m'esmaie et tien pensis, k'en puis s'or ne mi rapaie? Mar eslis orgeus et valour et pris qui ne suefre que bien aie. Mais contre orguel sui garnis: de tant con jentieus cuers fraie ses abis, si crois douçours et pitiés et merchis. |
| hante rasset con jolis di mai stre Willaume kaie cuer espris de joie damours q(ue) pert giuencis |
VI. [C]hante, Rasset, con jolis di maistre Willaume k'aie cuer espris de joie d'amours que pert Givencis. |