Tu sei qui

Edizione diplomatico-interpretativa

Schede primarie

I
Pour la meilleur conq(ue)s for mast nature; chant en espoir da uoir alegement . onc dex ne fist si bele criature; toute biaute enli croist et reprent. ce me semont de chanter liement. que tant la sai bele et uaillant et sage. si uoirem(en)t com laim de fin corage; soient par li alegie mi torment.	Pour la meilleur c'onques formast Nature chant en espoir d'avoir alegement. Onc Dex ne fist si bele criature, toute biauté en li croist et reprent; ce me semont de chanter lïement: que tant la sai bele et vaillant et sage. Si voirement com l'aim de fin corage, soient par li alegie mi torment.
II
Mes ensiest que resons et droiture; dient que iai esploitie foleme(n)t entant que iai trop haut mise ma cure; mes ce quamors me conmande et aprent. ne porroie refuser sanz outrage. qui b(ie)n la sert melz en uaut son aage. pour ce fet bon deuenir de sa ge(n)t.	Mes ensi est, que Resons et Droiture dïent que j'ai esploitié folement en tant que j'ai trop haut mise ma cure, mes ce qu'Amors me conmande et aprent ne porroie refuser sanz outrage: qui bien la sert melz en vaut son aage, pour ce fet bon devenir de sa gent.
III
P our ce la ia serf nus hons ne se doit faindre; damours seruir car touz biens uient de li. ma ioie puet efforcier et es traindre; si doucement conq(ue)s ne le senti. enbla mon cuer et madame en sesi. qui bien me puet alegier ma greuance. et sil li plest que muire en a tendance. si laim ie tant qil me plest bien ausi.	Pour ce la serf, nus hons ne se doit faindre d'Amours servir, car touz biens vient de li: ma joie puet efforcier et estraindre si doucement c'onques ne le senti; enbla mon cuer et ma dame en sesi, qui bien me puet alegier ma grevance, et s'il li plest que muire en atendance, si l'aim je tant q'il me plest bien ausi.
IV
Quant plus me uoi guerroier et des traindre; des maus damors qui ne mont pas guerpi. mez aim et plus est la pensee grai(n) dre; dont ie uous serf dame sachiez de fi. si ma uers uous fine amour enhardi. douce da ne laiez en uiltance. cuers bien apris herbegiez en uailla(n) ce. ne mociez ie ne lai deserui.	Quant plus me voi guerroier et destraindre des maus d'amors qui ne mont pas guerpi, mez aim et plus est la pensee graindre, dont ie vous serf, dame, sachiez de fi; si m'a vers vous fine Amour enhardi, douce dame, ne l'aiez en viltance; cuers bien apris herbegiez en vaillance, ne m'ociez, je ne l'ai deservi.
V
Mon cuer auez tres bone dame chiere; puis quamors la mis en uostre dangier. ie ne len doi partir ne trere ar riere; melz aim morir quele(n) uoie elloignier. car uns espo irs me dit et fet cuidier q(ue)n cor aurai recouurier a la ioie; la ou par droit auenir ne de uroie. or mi puist dex et fi ne amour aidier.	Mon cuer avez, tres bone dame chiere, puis qu'Amors l'a mis en vostre dangier; je ne l'en doi partir ne trere arriere; melz aim morir que l'en voie elloignier, car uns espoirs me dit et fet cuidier qu'encor aurai recouvrier a la joie la ou par droit avenir ne devroie. Or mi puist Dex et fine Amour aidier.