 |
| [c. 147v] Belle amelot soule an chanbre feloit. a chanteir prant ke damors li manbroit. an halt chantait (et) son amin no(m)moit. mal si gardait. sa maire lescoutoit. deus do neis ma marit garin mon dous amin |
 |
| Amins garins amic de cuer urai. maues toz jors. (et) ien ameit uos ai. tant ca marit atre ke uos naura. pucele ausois toz iors ensi uiura. deus doneis ma marit garin mon dous amin. |
 |
| Ie mos cidra satres ke garins mait. on ie fera cant camors maprandrait. se nai garin luns ou latre auandrait deus lou me dont. toz ces mals abatrait. deus doneis mamarit garin mon dous amin. |
 |
| De pucele deus se- pitiet aues caie garin amarit (con)santeis. ie mo\s/cidra suns atres mest doneis. (et) sensi meur trop crvel me se reis. deus doneis ma marit. |
 |
| S a meire antre ans se sasiet dauant li. bial li proiet fille prenes marit. lou duc girairt ou lou conte. haurit. p(er)deu meire m(ou)lt mielz ains viure ensi. deus doneis mamarit. |
  |
| P er deu meire trop dout prandre signor. cest vns merchiez dont se [c.148r] plaignent plusors. car si ne mai(m)met. (et) il ne rait mamor leis luj viurai a honte. (et) a dolour. deus doneis mamarit |
 |
| Prandre marit est chose a remenant. ne pais merchiez (con) laist (con) sanrepant. tenir lestuet. soit lait ou auenant ke mal se mat se vit a dolour grant. deus doneis ma marit |
 |
| Per deu fille souant an est iriez. uostre peires. meire cest grans pechiez. hai me vos. ke tant uos trauil liez. caie marit. (et) de ceu\ci/ me chaisiez. deusdoneis moi marit. |
 |
| Amelot ot ceu ke sa meire dist. ke ces peires li veult doneir marit tant doucemant a gamanteir se prist li cuers li falt si ait geteit. vn crit. deus doneis |
 |
| S or sa meire amelot se pamait. deus keil pitiet la mei re acueir eu ait. tout an plorant doucement la basait a rendresier trop bien la confortait. deus deoneis moi marit. |
 |
| La meire vit son enfant angossous. trop bia li dist fille rahaitiez vos. garin ameis si laueres a spous. se maist deus il est vaillans. (et) prous. deus do neis moi marit. |
 |
| La meire errant mandat lou prous garin. tant li donat (et) argent (et) or fin cansanble mist (et) lamie (et) lamin. p(er) lou congiet son signor laucelin amelot tot ensi ot garin son amin. |