 |
| Mesire muerisses de creon A lentrant del douc termine del tans nouel. ke naist la flors ens lespine (et) chil oisel chantent parmi la gaudine seri (et) bel. dont me rasaut amors fine. dun tres douc mal. car ie ne pens a riensal. fors la ou mes cuers sacline. |
 |
| Deli s(un)t tot mi con- sire ne de rien al. a la belle ens qui se mire mes cuers loial. e las iou ne li os dire pour nis .i. mal. car tant redot lecondire. ke tos mi tal. beneois soit li iornal kele me vaura ochirre. |
 |
| Onques dautre neuc en vie ne ia naurai. (et) se mes cuers se fausnie de duel morrai. car trop maig greueuse vie. des maus ken ai. e las ele ne set mie ne iou ne sai. se iou iamais li dirai belle nemochies mie. |
 |
| A tous les iors de ma vie le seruirai. (et) serai en sa baillie tant com viurai. ne ia de sa signorie ne partirai. (et) se briement ne maie trop grant mal trai. mais garis sui se ien ai. .i. bel samblant ens ma vie. |
 |
| Chancons va tent sans demeure el douc pais. ou mes cuers cline (et) aeure soir (et) matins. trop parmi cort li mals seure dont ie languis. e diex verrai iou ia leure. cuns tres dols ris puisse auoir de son cler vis. ki si mochist (et) akeure. |