 |
| Bele yolanz en chambre koie. sor ses genouz pailes desploie. cost un fil dor lautre de soie. sa male mere la chastoie. chastoi uos en bele yolanz. |
 |
| Bele yolanz ie uos chastoi. ma fille estes faire lo doi. ma dame mere (et) uos de coi. ie le uos dirai p(er) ma foi. chastoi vos en bele yola(n)z. |
 |
| Mere de coi me chastoiez. est ceu de coudre ou de tail- lier. ou de filer ou de broissier. ou se cest de t(ro)p so millier. chastoi vos en b[ele yolanz]. |
  |
| Ne de coudre ne de taillier. ne de filer. ne de broissier. ne ceu nest de t(ro)p somillier. mais t(ro)p [c. 70v] parlez au cheualier. Chastoi u(os) en. |
 |
| Trop parlez au conte mahi. si en poise u(ost)re mari. dolanz en est iel uos affi. nel fai- tes mais ie uos en pri. Chastoi u(os) en. |
 |
| Se mes mariz lauoit iure. (et) il (et) tozses perentez. mais que \b(ien)/ li doie peser. ne lairai ie oan lamer. Couegne ten bele yolanz. |