 |
| Crestijens de troies Qvant li douls estes decline que voi faillir foille. (et) flour (et) li tans se deslumine. ki napert point de verdour. adont souspir damour fine. pour vne que ien aour. diex verrai iou ia le iour. quele .i. si doul mot me die par coi ie viegne a samour. |
 |
| Mout me moustre grant haine cele q(ui) iain par amours. moi samble q(ue) ia deuine si con cil ki a pour. dune ki nest pas fra rine. a cui ie pens nuit (et) iour. elas; ien trai g(ra)nt dolour. si sui cil ki merci crie morir quit sans nul retour. |
 |
| Trop mest ceste amours greuaine. sencor na de moi merci. cele ki si me demaine. tout mi pense sont a li. m(ou)lt seroit salue ma paine sil li souue- noit de mi. trop me tenroie a failli. se par mon fourfait perdoie. ce q(ue) lonc tans ai serui. |
 |
| Dame doulce debonaire en la fin de ma chancon membre moi de vo viaire (et) de vo clere facon. trestous li cuers men resclaire q(ua)nt ioi no(n)mer vostre non. adont sui en tel prison que tous les iours de mauie vos fas iou de mamour don. |
 |
| Se la bele mest lontaine mes cuers est m(ou)lt pres de li. samors. mest au cuer procaine asses plus que ie ne di. dame de g(ra)nt biaute plaine. car secores vostre ami. dautel cuer q(ue) ie vos pri adont. aroie ma ioie (et) mon voloir acompli. |
 |
| Dame esgardes iraison. par le fil sainte marie ie naim feme se vos non. |