| I | |
|---|---|
|
Ioliuetes (et) jonenece (et) am(ours)
|
Jolivetes et jonece et Amours ausi me font canter sans perece con loial ami et rekier merchi, ma dame en cantant, car mestier en ai si grant que jou criem morir, mais mieus aim ces maus sousfrir que d'amer recroie. |
| II | |
|
Dame detres grant hauteche |
Dame de tres grant hauteche plus que jou ne di, se pités en vous n'adrece dont m'ont bien trai mi oel, dont je vi vo cors l'avenant. Las, je vois cou desirant dont ne puis joir, n'amours ne veut consentir que d'amer recroie. |
| III | |
| Bien sai q(ue) dema tristece sont bien es joi felon plain demale teche denuie garni trop mont assailli felon mes disant mais janemi saront tant greuer par mentir nenuers madame nuisir q(ue) damer recroie |
Bien sai que de ma tristece sont bien esjoi felon plain de male teche, d'envie garni; trop m'ont assailli felon mesdisant, mais ja ne mi saront tant grever par mentir, n'envers ma dame nuisir, que d'amer recroie. |
| IV | |
| Fole gent plaine doutraie ja pour uo jengler ne lairai mon bon usaie dema dame a mer jelaim sans ghiller (et) sans remouuoir or li doint dix perceuoir cou qen sa prison lai(m) mieus seruir en pardon q(ue)dam(ours) recroie |
Fole gent plaine d'outraie, ja pour vo jengler ne lairai mon bon usaie de ma dame amer; je l'aim sans ghiller et sans remouvoir. Or li doint Dius percevoir cou: q'en sa prison l'aim mieus servir en pardon que d'amer recroie. |
| V | |
| Dame ki jai fait houmaie uoeilliesme douner joie sans u(estr)re arieraie car li maus dam(ours) nemi laist durer tant me fait doloir (et) saim trop mieus ancoir ma destruicion q(ue) faire tel desraison q(ue) damer recroie |
Dame ki j'ai fait houmaie, voeillies me douner joie sans vestre arieraie; car li maus d'amer - ne m'i laist durer - tant me fait doloir. Et s'aim trop mieus a veoir ma destruicion que faire tel desraison que d'amer recroie. |
| VI | |
| oir faic demon cant rece uoir (et) par ma cancon di q(ue)nait entencion q(ue)damer recroie |
oir faic de mon cant recevoir et par ma cancon di qu'il n'ait entencion que d'amer recroie. |