| I | |
|---|---|
|
Anuis et desesperance mont fait targier de chanter or ai une remembrance ki me fait ratalenter. de chancon trouuer. pour la bele cui iaour. ki sour toutes a biaute (et) ualour.
|
Anuis et desesperance m'ont fait targier de chanter or ai une remembrance ki me fait ratalenter de chancon trouuer pour la bele cui i'aour ki sour toutes a biaute et ualour. |
| II | |
|
Si tost ke vi sa samblance sen tres bel uiaire cler. (et) sa bele contenance ke tous li mons doit loer. couuint demourer. Mo(n) cuer a li sans retour. dont ien merci souuent loial amour.
|
Si tost ke ui sa samblance sen tres bel uiaire cler et sa bele contenance ke tous li mons doit loer couuint demourer mon cuer a li sans retour dont i'en merci souuent loial amours. |
| III | |
|
Certes richement mauance boine amours au droit parler. Ke dame de tel uaillance. me fait seruir (et) amer. (et) li bel penser. Ki men uienent nuit (et) iour. me font sentir mal de douce sauour.
|
Certes richement m'auance boine amours au droit parler ke dame de tel uaillance m'a fait seruir et amer et li bel penser ki m'en uienent nuit et iour me font sentir mal de douce sauour. |
| IV | |
|
Ma dame aim en tel doutance. Ka li ne mos dolouser. de lamoureu se greuance. ki souuent me fait plourer (et) ioie mener. de ma mesestance plour. (et) chant de che ke iaim sans folour. |
Ma dame aim en tel doutance k'a li ne m'os dolouser de l'amoureuse greuance ki souuent me fait plourer et ioie mener de ma mesestance plour et chant de che ke i aim sans folour . |
| V | |
|
[a] A mours si com iai uoellance de ma dame foi porter. uoellies uous par ma poissance ke pour moi reconforter. me uoelle douner. ioie sans sa deshounour. car ia nel quier auoir par autre tour. |
Amours si com i ai uoellance de ma dame dame foi porter uoellies uous par ma poissance ke pour moi reconforter me uoelle douner ioie sans sa deshounour car ia nel quier auoir par autre tour. |