| Si com sel questan greuiatz del mal que nos sent dolor. ni sent ira ni tristor. de guiza soi obli datz. que tant sobre pueial danz. que mos cors uos pot pensar. ni nulh hom tro al p(ro)ar. non pot saber con es gra(n)s den baral lo mieu senhor. p(er) que ser chant crit o plor nomo pres pus que ferenans. |
| I |
| Si com sel qu'es tan greuiatz del mal que nos sent dolor, ni sent ira ni tristor, de guiza soi oblidatz; que tant sobrepueja·l danz que mos cors vos pot pensar ni nulh hom tro al proar non pot saber con es grans d'En Baral, lo mieu senhor; per que s'er chant crit o plor no m'o pres pus, que fer'enans. |
| Quiem pes q(ue) si soi encantatz. o si sun cazutz e(n) error. can no(n) truep sa gran ualor. caissi nos tenria onratz. e isame(n) co(m) lazi mans. tiral fer el fai leuar. fazia el mans cors dressar. Vas pretz forsatz et pezans. doncx pretz e gaug (et) honors larguesas creissen ricors. nos a tout pauc val uostrena(n)s |
| II |
| Qu'ie·m pes que si soi encantatz o si sun cazutz en error can non truep sa gran valor, c'aissi nos tenria onratz eisamen com l'azimans tira·l fer e·l fai levar, fazia el mans cors dressar vas pretz, forsatz et pezans; doncx pretz e gaug et honors, larguesas, creissen ricors nos a tout, pauc val vostr' enans. |
| Las tans na dezeretatz. q(e)ran tug e tans ne morirol ior. e fo mortz e soterratz. Q(ue)n u(n) sol no(n) uitz mortz tâs. que ney p(er) auzir nomnar. Neus sels qe lauzon nomar. eramatz ses a captar. ta(n)t era sô prezans. caissi saup far so(n) pretz aussor. de pauc gran. de gra(n) claure gazâs. |
| III |
| Las tans n'a dezeretatz q'eran tug ric et amatz, e tans ne moriro·l ior e fo mortz e soterratz! Qu'en un sol non vitz mortz tâs; que ney per auzir nomnar neus sels qe l'auzon nomar eramatz ses acaptar tant era sô prezans; c'aissi saup far son pretz aussor, de pauc gran de gran major, tro no·l poc enclaure gazâs. |
| E cât no fo pus p(ri)uatz. falhic nos a fort de flor. que cant hom la ue gensor. adôcas falh p(us) uiatz. mas dieus nos mostrab semblans. q(ue) sol luy de uez amar. el caitieu seglazirar. o(n) passam co uiandans. cau tre pretz torne(n) desenor. e tot autre se(n) en folor. mas de sels q(ue) fan sos comanz. |
| IV |
| E cât no fo pus privatz, falhic nos a fort de flor que, cant hom la ve gensor, adôcas falh pus viatz; mas Dieus nos mostr'ab semblans que sol luy devez amar. e·l caitieu segl'azirar on passam co viandans, c'autre pretz torn'en desenor e tot autre sen en folor mas de sels que fan sos comanz. |
| Bel senher dieus cuy no(n) platz. mort de negun peccator. ans p(er) aussire la lor. sufris vos la uostre(n) patz. fais lo lai uieurab lo sans. pus say nol uolgues laissar. e denhatz lo(n) uos pregar. v(er)ge q(ue) pregatz p(er) mans. uostre car filh q(ue)l socor. q(u)i p(er)ansan tug li melhor els uostrosca precx m(er)ceians |
| V |
| Bel Senher Dieus, cuy non platz mort de negun peccator, ans per aussire la lor sufris vos la vostr' en-patz fais lo lai vieur'ab lo sans, pus say no·l volgues laissar! E denhatz l'on vos pregar, Verge, que pregatz per mans vostre car Filh, qu'el socor, qui perans'an tug li melhor els vostros ca precx merceians. |
| S enh(er) m(er)aiulhas gra(n)s es car de uos puesc chantar. er que mielhs degra chan tar plorar. p(er)o si plor es pessans. q(ue) be(n) leu man trobador diran de uos mais de lauzor. quieu q(ue)n degra dir mil ta(n)s. |
| VI |
| Senher, meraivlhas grans es, car de vos puesc chantar er que mielhs degra chantar plorar; pero si plor es pessans que ben leu man trobador diran de vos mais de lauzor. qu'ieu qu'en degra dir mil tans. |