| folchet de marseilla |
| Folchet de Marseilla |
| Si me fai a tard aperceubuz. Aisi cum cel qa tot perdut (et) iura. Qe no(n) ioç mais a gran bonauentura. Me dei tener qar me soi conoguz. Del grans enians qamors uas me façia. Qab bels semblanz ma tengud en fadia. Mais de dex ans alei de mal deutor. Qades promet mas re non pagaria. |
| I |
| Si me fai a tard aperceubuz, aisi cum cel q'a tot perdut et iura qe non ioç mais a gran bonaventura me dei tener q'ar me soi conoguz del grans enians q'Amors vas me façia, q'ab bels semblanz ma tengud en fadia mais de dex ans, a lei de mal deutor q'ades promet mas re non pagaria. |
| Qab bels semblanz qe fals amors aduz. Satrai uas lei fols ama(n)z e satura. Qol parpallion qa tan folla natura. Qes fer el foc per la clartat qei luz. Mas eu men part (et) segrai autra uia. Qom mal pagaz qe stiers no men partria. E segrai laib de tot bo(n) al sufridor Qe si irais fort si cum fort sumelia. |
| II |
| Q'ab bels semblanz qe fals' Amors aduz s'atrai vas lei fols amanz e s'atura, qo·l parpallion q'a tan folla natura qe·s fer el foc per la clartat qe·i luz; mas eu m'en part et segrai autra via, qom mal pagaz q' estiers no m'en partria; e segrai l'aib de tot bon al sufridor qe s'irais fort si cum fort s'umelia. |
| Non muderai si ben sui irascuç. Ni faz de leis en chantan ma rancura. Ni diga ren qe noi semble mesura. Mas ben sapcha qa sos obs soi perduz. Qanc sobre fre nm uolg menar un dia. Anz mi fez far mo(n) poder tota uia. Et anc sempre cauals de gran ualor. Qin beorda trop soen felnia |
| III |
| Non muderai, si ben sui irascuç ni faz de leis en chantan ma rancura, ni diga ren qe noi semble mesura; mas ben sapcha q'a sos obs soi perduz, q'anc sobre fre nom volg menar un dia, anz mi fez far mon poder tota-via, et anc sempre cavals de gran valor, qin beorda trop soen felnia. |
| Fel for eu trop mas souien retenguz. Qar qab plus fort de si se desmura. fai gran foldaz neis a granauentura. E de son par qesser en pot uencuç. E de plus freol de si es uillania. Per qanc nom plag nim plaz sobransaria. Pero en seu deuon gardar honor. Qar senz auinid preç trop mens qe follia. |
| IV |
| Fel for'eu trop mas sovien retenguz, qar q'ab plus fort de si se desmura fai gran foldaz; neis a gran aventura e de son par q'esser en pot vencuç; e de plus freol de si es villania; per q'anc no·m plag ni·m plaz sobransaria: pero en seu deu on gardar honor, qar senz auinid preç trop mens qe follia. |
| Amors per ço men soi eu al retenguz. De uos seruir qe mais no(n) arai cura. Qaisi com mais preç hom laidi pentura. De long no fai qant es de pres uenguz. Presau eu uos mais qan nous coinos sia. E sanc ren uolg mais nai qer no(n) uoldria. Qaisi mes pres cum al fol qeridor. Qe dis qaurs fos tot qant el tocaria. |
| V |
| Amors, per ço, m'en soi eu al retenguz de vos servir qe mais no n'arai cura; q'aisi com mais preç hom laidi pentura de long no fai qant es de pres venguz, presav eu vos mais qan no·us coinossia; e s'anc ren volg mais n'ai qer non voldria: q'aisi mes pres cum al fol qeridor qe dis q'aurs fos tot qant el tocaria. |
| Bel naiman samors uos destregnia. Vos nin toçte(m)ps eu non conseillaria. Sol membres uos qant eu nai de dolor. O qant de ioi ia plus no(n) uon caldria. |
| VI |
| Bel N'Aiman s' Amors vos destregnia, vos ni·N Toçtemps eu non conseillaria: sol membres vos qant eu n'ai de dolor o qant de ioi, ja plus non von caldria. |
| En plus leial sab los oill uos neçia. Aisi cum faz ab lo cor tota uia zo qeu ai diç poria auer ualor. Qeus qier conseil (et) conseill uos daria. |
| VII |
| En plus-Leial, s'ab los oill vos neçia, aisi cum faz ab lo cor tota-via, zo q'eu ai diç poria aver valor, q'eus qier conseil et conseill vos daria. |