 |
| folchet de marseilla S i me fai a tard aperceubuz. Aisi cum cel qa tot perdut (et) iura. Qe no(n) ioç mais a gran bonauentura. Me dei tener qar me soi conoguz. Del grans enians qamors uas me façia. Qab bels semblanz ma tengud en fadia. Mais de dex ans alei de mal deutor. Qades promet mas re non pagaria. |
.jpg) |
| Q ab bels semblanz qe fals amors aduz. Satrai uas lei fols ama(n)z e satura. Qol parpallion qa tan folla natura. Qes fer el foc per la clartat qei luz. Mas eu men part (et) segrai autra uia. Qom mal pagaz qe stiers no men partria. E segrai laib de tot bo(n) a Qe si irais fort si cum fort sumelia. |
.jpg) |
| N on muderai si ben sui irascuç. Ni faz de leis en chantan ma rancura. Ni diga ren qe noi semble mesura. Mas ben sapcha qa sos obs soi perduz. Qanc sobre fre nm uolg menar un dia. Anz mi fez far mo(n) poder tota uia. Et anc sempre cauals de gran ualor. Qin beorda trop soen felnia |
.jpg) |
| F el for eu trop mas souien retenguz. Qar qab plus fort de si se desmura. fai gran foldaz neis a granauentura. E de son par qessaer en pot uencuç. E de plus freol de si es uillania. Per qanc nom plag nim plaz sobransaria. Pero en seu deuon gardar honor. Qar senz auinid preç trop mens qe follia. |
.jpg) |
| A mors per ço men soi eu a arai cura. Qaisi com mais preç hom laidi pentura. De long no fai qant es de pres uenguz. Presau eui uos mais qan nous coinos sia. E sanc ren uolg mais nai qer no(n) uoldria. Qaisi mes pres cum al fol qeridor. Qe dis qaurs fos tot qant el tocaria. |
.jpg)  |
| B el naiman samors uos destregnia. Vos nin toçte(m)ps eu non conseillaria. Sol membres uos qant eu nai de dolor. O qant de ioi ia plus no(n) uon caldria. |
.jpg) |
| E n plus leial sab los oill uos neçia. Aisi cum faz ab lo cor tota uia zo qeu ai diç poria auer ualor. Qeus qier conseil (et) conseill uos daria. |