| I | |
| Na gormunda . G r eu mes a durar. quar aug tal des crezensa. dir ni se menar. e nom platz nim agenza. quo(m) non deu amar. q(ui) fai desmantenensa . a so don totz bes . uen e nays (et) es . saluamens e fes. Per quieu faray paruensa . en semblan quem pes . |
Na Gormunda. Greu m'es a durar quar aug tal descrezensa dir ni semenar, e nom platz ni m'agenza, qu'om non deu amar qui fai desmantenensa a so don totz bes ven e nays et es salvamens e fes per qu'ieu faray parvensa en semblan quem pes. |
| II | |
| Nous merauilhes . negus si eu muou guerra . ab fals mall apres. qua son poder soterra .totz bos faitz cortes .els en caussels en ser ra . trop se fenh arditz.quar de roma ditz.mal ques caps e guitz. de totz selhs quen terra . an bos esperitz. |
No us meravilhes negus si eu muou guerra ab fals mal apres qu'a son poder soterra totz bos faitz cortes el s en caussels enserra; trop se fenh arditz, quar de Roma ditz mal qu'es caps e guitz de totz selhs qu en terra an bos esperitz. |
| III | |
| E n romaes complitz . totz bes e quils li plana. Sos sens les fal litz . quar si meteys enguana. quelh ner sebellitz . don perdra sa ufana. dieus au ja mos precx . que selhs quan mals becx . ioue(n) e senecx. contra la ley romana . ca ion dels bauecx . |
En Roma es complitz totz bes e quils li plana sos sens l'es fallitz, quar si meteys enguana, qu'elh n'er sebellitz don perdra sa ufana. Dieus au ja mos precx . que selhs quan mals becx, ioven e senecx, contra la ley romana, caion dels bavecx. |
| IV | |
| R oma selhs per pecx . tenc totz e per gent grossa. per orbs e per secx. que lur ca(r)n elur ossa . car gon dauols decx. don caion en la fossa . on lur es sermatz . pude(n)s focx maluatz . don mais desliatz . no seran de la gran trossa . quan de lurs peccatz . |
Roma, selhas per pecx tenc totz e per gent grossa, per orbs e per secx que lur carn e lur ossa cargon d'avols decx, don caion en la fossa on lur es sermatz pudens focx malvatz, don mais desliatz no seran de la gran trossa qu'an de lurs peccatz. |
| V | |
| R oma ges nom platz . q(ua) uols hom uos combata . dels bos auez patz . qusquecx ab uos saflata . dels fols lurs foldatz . fes perdre damiata . mas li uostre sen . fan sels ses conten. caytiu e dolen . que contra uos deflata . ni renh(a) |
Roma, ges nom platz qu'avols hom vos combata, dels bos avez patz q'usquecx ab vos s'aflata, dels fols lurs foldatz fes perdre Damiata, mas li vostre sen fan sels conten caytiu e dolen que contra vos deslata ni renha greumen. |
| VI | |
| R oma ueramen.sai greumen. e cre ses duptanza . qua uer sal uamen aduretz tota fransa . oc e lautra gen . queus uol far a iudansa . mas so que merlis . prophetizan dis . del bon rey loys. que morira en pansa . aras ses |
Roma, veramen sai e cre ses duptansa qu'a ver salvamen aduretz tota Fransa, oc, e l'autra gen que us vol far aiudansa; mas so que Merlis prophetizan dis del bon rey Loys que morira en Pansa, aras s'esclarzis |
| VII | |
| Piegz de sarrazis . e clarzis . de pus fals coratge . heretiers mesquis . son qui uol lur estat ge . ins el foc dabis . iray en loc de saluatge . en dampnatio . q(ua) selhs dauinho . baysses don mes bo . roma lo mal pezatge . don grans merces fo . |
Piegz de Sarrazis e de pus fals coratge heretiers mesquis son qui vol lur estatge ins el foc d'abis uay en loc de salvatge en dampnatio. Qua selhs d'Avinho baysses don m'es bo, Roma lo mal pezatge, don grans merces fo. |
| VIII | |
| R oma per razo . auetz manta destorta . dressada bando . (et) ober ta la porta . de saluatio don era la claus torta . que ab bon go uern . bayssatz folh esquern. q(ui) sec uostres tern . langel michel lon porta . el garda difern . |
Roma per razo avetz manta destorta dressad'a bando et oberta la porta de salvatio don era la claus torta. Que ab bon govern bayssatz folh esquern, qui sec vostr'estern l'angel Michel lon porta el garda d'ifern. |
| IX | |
| L estiu el yuern . deu hom ses contradire . roma lo caze(r)n . le gir si que nos uire . e qua(n) ue lestern . com ih(esu)s pres martire . albir se lo cas . sis bos crestias . sa doncx non a cossire . totz es fols e uas . |
L'estiu e l'yverne deu hom ses contradire, Roma lo cazern legir si que nos vire, e quan ve l'estern com Ihesus pres martire, albir se lo cas sis bos crestias, s'adoncx non a cossire, totz es fols e vas. |
| X | |
| R oma los trefas . e saleys sos pechoza . als fols digz uilas . par que fos de toloza . on den ians certas . non es doncx uer gonhoza ni anz de dos ans . mas sil coms prezans .coue quels engans . lays e la fe dup toza . e restaurels dans . |
Roma los trefas e sa leys sospechoza als fols digz vilas par que fos de Toloza, on d'enians certas non es doncx vergonhoza Ni ans de dos ans mas s'il coms prezans cove quels engans lays e la fe duptoza e restaurels dans. |