![Versione stampabile Versione stampabile](https://letteraturaeuropea.let.uniroma1.it/sites/all/modules/print/icons/print_icon.gif)
![PDF version PDF version](https://letteraturaeuropea.let.uniroma1.it/sites/all/modules/print/icons/pdf_icon.gif)
I | |
Alasais de porcaragues Ar em al freg temps uengut q(ue)l gells el neus ela fai(n)gna. Eli au ḉellet estan mut. Cus de chantar non sa frai(n)gna. Eson sec li ram pels pla is. Q(ue) flors ni foilla noinais. nirrosig nols noi crida. Q(ue) lam emaimerreissi da. |
Alasais de Porcaragues Ar em al freg temps vengut. Quel gells el neus e la faingna. E li auḉellet estan mut. Cus de chantar non sa fraingna. E son sec li ram pels plais. Ni rossignols no i crida. Que l’am e mai me rreissida. |
II | |
Tant ai lo cors deseubut. p(er) q(ue)u soi a totz estraigna. Esai q(ue) iorn ap(er)dut. Molt plus tost q(ue) no(n) gasai(n)gna. Esi eu fa ill ab motz uerais daure(n)ga me moc les glars. p(er) q(ue)u inestauc esbaida. Enp(er)t so latz en partida. |
Tant ai lo cors deseubut. Per qu’eu soi a totz estraigna. E sai que iorn a perdut. Molt plus tost que non gasaingna. E si eu faill ab motz verais. D’aurenga me moc l’esglars. Per queu in estauc esbaida. |
III | |
Do(m)pna met mot mal samor. Q(ue) abri come plaideia. Ab plus aut deuaua sor. Esill ofai il folleia. Car so dizom en ueillai. Q(ue) ges p(er) ricor no(n) uai. Edo(m)pna q(ue) nes chauzida. Enrenc p(er) enuilanida. |
Dompna met mot mal s’amor. Que abri come plaideia. Ab plus aut de vavasor. E s’ill o fai il folleia. Car so dizom en veillai. Que ges per ricor non vai. E dompna que n’es chauzida. En renc per envilanida. |
IV | |
Amic ai de gran ualor. Q(ue) sobre totz seignoreia. Eno(n) a cor tri chador. Vas me q(ue) amor mautreia. Eu dic q(ue) mamors leschai. Ecel q(ue) dis q(ue) non fai dieus li don mal esgarida. Q(ue)u men rei(n)g fort p(er) guerida. |
Amic ai de gran valor. Que sobre totz seignoreia. E non a cor trichador. Vas me que amor m’autreia. Eu dic que m’amors l’eschai. Ecel que dis que non fai. Dieus li don mal esgarida. Queu men reing fort per guerida. |
V | |
Bels amics de bon talan. son abuos toz iozz en guaie. Cortez a debel sem blan. Sol no(n) demandes outraie. Tost en ueirem alassai. Q(ue)n uostra mercem me trai. Vos maue(con) lafe pleuida. Que no(n) demandes faillida. |
Bels amics de bon talan. Son ab vos toz iozz en guaie. Corteza de bel semblan. Sol non demandes outraie. Tost en veirem al assai. Qu’en vostra merce.m metrai. Vos m’ave con la fe plevida. Que non demandes faillida. |
VI | |
A dieu coman bel esgar. Eplus la sui tat daurenga. eglorietel caslar. E lo seignor de proenza. L tot cant uol mon ben lai. Elarc on son fag lassai. cellui p(er)diei camauida. Enserai toz iorz marrida. |
A dieu coman bel esgar. E plus la suitat d’aurenga. E gloriet el caslar. E lo seignor de proenza. L tot cant vol mon ben lai. E larc on son fag lassai. Cellui perdiei c’a ma vida. E’n serai totz iorz marrida. |
VII | |
Ioglar q(ue) aves cor gai. Ves narbona por tas lai. Ma chanson ala fenida lei cui iois eiouenz guida. |
Ioglar que aves cor gai. Ves narbona portas lai. Ma chanson a la fenida. Lei cui iois e iovenz guida. |