| I | |
|
I tot me sui
atart aper ceubutz. ai si cum cel qatot p(er)dut eiura. Que mais non iocs gran bonauentura. Mo dei tener car me soi |
I tot me sui a tart aperceubutz, aissi cum cel q'a tot perdut e iura que mais non iocs, gran bonaventura m'o dei tener c'ar me soi conogutz del gran engan c'amors vas mi fazia, c'ab bel semblan m'a tengut en fadia mais de detz ans, a lei de mal deutor c'ades promet mas ren non pagaria. |
| II | |
| Ab bel semblan que fals amors adutz. Satrai uas lieis fols amans esatura. Col papaillols qatant folla natura. Qeis met el foc p(er) la clartat qeu lutz. Mas eu men part esegrai autra uia. Sos malpagatz qestiers nomen par tria. esegrai laip detot bon sofridor. cu(m) plus sirais eplus fort somelia. |
Ab bel semblan que fals' amors adutz s'atrai vas lieis fols amans e s'atura, co·l papaillols q'a tant folla natura qe·is met el foc per la clartat qeu lutz; mas eu m'en part e segrai autra via, sos mal pagatz, q' estiers no m'en partria; e segrai l'aip de tot bon sofridor: cum plus s'irais et plus fort somelia. |
| III | |
| Pero nois cuich si bem sui irascutz. Sitot medic enchantan ma rancu ra. Ial diga ren que sia outra mesu ra. Mas ben sapcha qa sos ops sui per dutz. qanc sobre fre nom uolc me nar un dia. anz mi fetz far mon po der tota uia. et ancsempre cauals degran ualor. Quil biorda trop so uen cuoill feunia. |
Pero no·is cuich si bem sui irascutz,
sitot me dic en chantan ma rancura, ja·l diga ren que sia outra mesura; mas ben sapcha q'a sos ops sui perdutz, q'anc sobre fre no·m volc menar un dia, anz mi fetz far mon poder tota-via, et anc sempre cavals de gran valor, qui·l biorda trop soven, cuoill feunia. |
| IV | |
| Fols forieu ben mas sui men reten gutz. car qui ab plus fort desis des mesura. fai gran foudat en eis en auentura. nes de son par qesser en pot uencutz. e de plus freuol desi es uilania. p(er) qanc nom plac ni(m) platz sobranssaria. pero ensen deu ho(m) gar dar honor. car sen aunit nonpretz plus que foillia. |
Fols for' ieu ben, mas sui m'en retengutz, car qui ab plus fort de si·s desmesura fai gran foudat; e neis en aventura n'es de son par, q' esser en pot vencutz, e de plus freuol de si es vilania; per q'anc nom plac ni·m platz sobranssaria: pero en sen deu hom gardar honor, car sen aunit non pretz plus que foillia. |
| V | |
| Perso amors me sui eu recrezutz. de uos seruir que mais non aurai cura. qaissi cum prezom plus lai da peintura. de loing no fai qand es depres uengutz. prezaua ieu uos mais qand nous conoissia. e sanc naic pauc mais nai q(ie)u non uolria. caissi mes pres cum al fol orador. que dis qaurs fos tot q(a)nt el tocaria. |
Per so, Amors, mi sui eu recrezutz de vos servir, que mais no n'aurai cura; q'aissi cum prez'om plus laida peintura de loing, no fai qand es de pres vengutz, prezava ieu vos mais qand nous conoissia; e s'anc n'aic pauc mais n'ai q'ieu non volria: c'aissi m'es pres cum al fol orador que dis q'aurs fos tot qant el tocaria. |
| VI | |
| Bels nazimans samors uos des treignia. vos entotztemps eu uos conseillaria. Sol uos membres q(a)nt ieu nai de dolor. ni qant de ben ia mais nous encalria. |
Bels N'Azimans s'Amors vos destreignia, vos e·N Totztemps, eu vos conseillaria: sol vos membres qant ieu n'ai de dolor ni qant de be, ja mais no·us en calria. |
| VII | |
| En plus leial sab los huoills uos uezia. aissi cum fatz ab lo cor tota uia. So qieu dich porria auer ualor. Qieu qier conseill econseill uos daria. |
En Plus-Leial, s'ab los huoills vos vezia, aissi cum fatz ab lo cor tota-uia, so q' ieu dich porria aver valor, q'ieu qier conseill e conseill vos daria. |