 
|
folquetz demarseilla.
Uns uolers outracuiatz. ses inz Car mout mi sent aut poiatz. vas qes petitz mos poders. p(er) qem chastia temers. car aitals ardimens fatz. notz a mamtas gens. mas dun co nort sui gauzens. Qem faill de ues autre latz. emostra qomilitatz. la tant enpoder. Que bens men pot es chazer. Tant sies mos cors fermatz. qeil messongam sembla uers. et ai tals maltraitz lezers. pero si sai qes uertatz. q(ue) bons aturs uens. p(er) qieus prec dompna ualens. q(ue) sol daitan mi sufratz. epuois serai gen pagatz. Qem laissetz uoler. Lo gaug qieu desir auer. Bem parec necietatz. etrop sobrar ditz uolers. Qan solamen us ue zers. Mac deceubut tant uiatz. qes condudamens. me uenc al cor us talens. tals qieu fui enamoratz. Mas puois mes tant fort doblatz. Qel maitin el ser. Mi fai doussamen doler. Mas aras chantars aissi nom platz. Si men ualgues esteners. p(er)o laissatz noncalers. Men fora iois esolatz. oi mais puois nes meins. lemperarritz cui iouens. a poiat els aussors graz. esil cors nonfos forsatz. eu feira sa ber. cum fols si sap decazer. Ai doussa res couinens. venssa uos humilitatz. pois nuills autre iois nom platz. ni dautre uoler. non ai engeing ni poder. Que tans sospirs nai gitatz. perqel iorn el ser. pert sospiran mon poder. |