  |
folchet.
S i tot me soi atart ap(er)ceubuç. aissi cu(m) cel ca tot p(er)duç euira. Q(ue) mais no(n) ioc a gran bonauentura. Mode i tener car me soi conoguz. Del gran en gan camors uas mi façia. Qab bel sem blan matengut enfaçia. pl(us) de dez anç alei de mal deptor. Cades p(ro)met e ren non pagaria. Al bel semblan q(ue) fals amors aduz. Sa trai uas lei fins amanç esatura. Col parpillons ca tan folla natura. Qes met el fuoc p(er) la clartat q(eu) luç. Mas eu men part esgrai altra uia. Sos mal pagatz q(ue) sters nom(en) partria. Esegrai la ib de tot bon sofridor. Com plus sirais e plus fort somilia. Per so amors me sui eu recreçuç. De uos suir eno(n) aurai mais cura. Caissi cu(m) prossom pl(us) laida peintura. qant es de loi(n)g. Qe qant es pres uenguz. praza ueu uos can no uos conoissia. Esanc nac pauc mais qeu no uolia. aissi mes pres com al fol qeridor. Qui dis caurs fos tot so que tocharia. Pero nos cug sitoz sui irascuz. ni faz delei en chantar ma rancura. Qeu diga re que na semble messura. Mas sapcha be ca sos ops sui p(er)duz. Canc sobre fre nom uolc menar un dia. Anz mi fez far mon poder tuta uia. Mas anc se pres cauals de gran ualor. Que bagort trop souen cuoill felnia. Pelz forei be(n) mas men sui retenguz. Que qui uas plus fort desi desmesura. fai grant foldat en es en auentura. Nes desun par qan pot es ser uencuz. Ede plus freuol desi es uila nia. P(er) canc nom plac sobranzaria. P(er)o en sen deom gardar honor. Que sens aunit(z) no(n) prez plus que folia. Bels nazimanz samors uos destregnia. vos entoz tems eus en co(n)seillaria. ab qeus menbres qant en ai de dolor. Erant de iai pos nous en calria.
|