|
Arnautz daniels
Sim fos amors de ioi donar tan larga. Co(m)
eu li soi de uer cor fin e franc. Jamais per
ioi nom calgra far embarc. Quieu am tan aut
ques pers mi pueiem plomba. E qant mal
bir con es de pretz al som. Tenc ma honor ca
anc lausei uoler. Quera sai euque mos cors e
mos sens. Mi faran far lor grat rica co(n)questa.
|
|
|
Si tot men fas lonc esper nome(n) barca. En ta(n)
ric lucs mi soi mes emestanc. Don li bel dig mi
tenon de ioi larc. El segrai tant com mi port a
la tomba. Qen tot lo mon no(n) hom de null
nom. Tan finame(n)z desir gran ben auer co(m) en
fatz leis si tot men son nosenz. Deuinador cui
dans dels drutz esfesta.
|
|
|
Sa gran beutatz el rics p(re)tz mi desgarga.
Del grieu sospir don mi dolon li flanc car en
patz pren l afan el sufrel parc. Qe de beutat
son las autras encomba. Qe la genser pa(r) caia
pres un tom. Plus bas delleis epuois odir enu(er).
Cab leis reigna pretz esolatz esenz. E tuch bo(m)
aip cuns no(n) es mens nim resta.
|
|
|
E puois tant ual cuias doncs que ses parga.
Mes deseriers ni ques forque nis branc. No(n)
serai sieus ni mieus si ia(m) so parc. Si maiut sel
ques mostret en colomba. Quieu no(n) son ges
sel que lais aur per plom. Epuois no(n) cal com
ren en lei esmer. Tant li serai sers et obedie(n)z.
Tro de samor sil platz baisan men uesta.
|
|
|
Namiels de ben ia nom siatz auarga. Qen
uostramor mi trobarez tot blanc. Quieu non
ai cor ni poder quem descarc. Del ferm uoler
qui nes ges deretomba. Que qan neis ueill ne
clau los oill de som. A uos mautrei qan leu ni
uau iaser. E nous cuges ques merme mos ta
lenz. Non fara ges quar lo sen en la testa.
|
|
|
Fals lausengier fuocs la lenga uos arga. O
que perdatz tuich los oills de mal cranc. Car
per uos son estraich caual emarc. Amor tolles
ca pauc del tot no(n) to(m)ba. Co(n)fondaus dieus e
sai uos dire com. Cals drutz uos faitz maldir
e uiltener. E per uos es cazutz pretz eiouenz.
Et est peior que plus uos namonesta.
|
|
|
Arnautz a fait efera loncs atens. Catenden
fai pros hom riqa aquesta.
|
|
