Tu sei qui

Edizione diplomatica

Schede primarie

      Bernartz de uentadorn.                            xxii.
C Antars no(n) pot gaires ualer. Si dins dal cor
      no mou lo chanz. Ni chanz no pot dal
cor mouer. Sinol es finamors coraus. Perso
es mos chantars cabaus. Qen ioi damor ai (et)
enten. La bocha els oillz el cor el sen.
  I adieus nom don aquel poder. Que damor
no(m) prenda talanz. Si ia ren no(n) sabiauer. Mas
chascu(n) iorn men uengues maus. Toz temps
naurai bon cor siuaus. Enai mout mais de
iauzimen. Car nai bon cor emi aten.

A mor blasmen per no(n) saber. Fola genz mas
lei no(n) es danz. Camors no(n) pot ges decazer. Si
non es amors comunaus. Aisso no(n) es amors
aitaus. Nona mais lo nom el paruen. Qe re (m)
no(n) ama si no(n) pren.

S eu enuolgues dire lo uer. Eu Sai ben de
cui mon lenganz. Daquelas camon per auer.
Eson marchaandas uenaus. Mensongiers en
fos eu efaus. Uertat en dic uilaname(n). Epesa
me car eu non men.

E n agardar et en uoler. Es lamorz de dos

fins amanz. Nuilla res noi pot pro tener. Sel
uoluntatz no(n) es egaus. Ecel es ben fous na-
turaus. Cui de so que uol la repren. Elausa
so que no(n) les gen.
M olt ai ben mes mon bon esper. Qant cela(m)
mostra bel semblanz. Quieu plus desir euoil
uezer. Francha dousa fina eleiaus. En cui lo re-
is seria saus. Bella ecoinda ab cors couenen.
Ma fait ric home de neien.

R en mais non am ne sai temer. Ne ia res no(m)
seria afanz. Sol mi donz uengues aplazer. Ca
quel iornz me sembla nadaus. Cab sos belz
oillz esperitaus. Mes garda masso fai tanlen.
Cuns sols dia me dura cen.

L ouers es fins enaturaus. Ebos celui qi ben
lenten. Emeiller es quel ior aten.

B ernartz del uentadorn lenten. Eil di eil fai
el ioi naten.