|
Li rois
De fine amor uient seance (et) beautes. (et) amors uient de ces .ii. autre
sj. tout .iij. s(on)t .j. quj bienia pense. ia neseront anul ior departj. por .i.
consel. ont tout .iij. establj. lour coureors quj s(on)t auant ale. de moj ont
font tout chemi(n) ferre. tant lont use ia nen seront partj. Li
|
|
De fine amor vient seance et beautes,
et amors vient de ces .ii. autresi.
tout .iii. sont .i. qui bien i a pensé;
ia ne seront a nul ior departi.
Por .i. consel ont .iii. establi
lour coureors qui sont avant alé:
de moi ont font tout chemin ferré;
tant l'ont usé ia ne·n seront parti.
|
coureour s(on)t denuis en clarte. (et) dou ior s(on)t pour la gent oscurcj. li dols re
gart (et) li mot sauoure. la grans beaute (et) li biens ke gi ui. nest meruelle
se ce ma esbahj. deli adiex le siecle en lumine. quant nous aurons le plus
beau ior deste. les li seroit oscurs aplain mjdj. En amour a pauour (et)
|
|
Li coureour sont de nius en clarte
et dou ior sont puor la gent oscurci:
Li dols regart et li mot savouré,
la grans beaute et li biens ke g·i vi;
n'est mervelle se ce ma esbahi.
De li a Diex le siecle enluminé,
quant nous aurons le plus beau ior d'esté,
les li seront seroit oscurs a plain midi.
|
|
hardement . cil doz s(on)t .iij. (et) dou tiers s(on)t li duj. (et) grans valors est a eus ape(n)
dans. ou tout li bie(n) ont retrait (et) refuj. pour cest amors li hospitaus dautruj.
ke nus nj faut selonc son auenant. gi ai faillj dame qui vales tant au(ost)re
ostel si ne saj ou iesuj. Ienj voj plus mais adieu me comanc.ke tous
|
|
En amour a pauour et hardement:
cil doz sont .iii. et dou tiers sont li dui,
et grans valors est a eus apendans,
ou tout li bien ont retrait et refui.
Por c'est amors li hospitaus d'autrui
ke nus ni faut selonc son avenant.
G·i ai failli dame qui vales tant
a vostre ostel si ne sai ou ie sui.
|
|
pensers ai laissie pour cestuj. ma belle ioie ou mamort iatant. ne saj le quel
deske deuant li fuj. ne me firent lors mj oel poi(n)t danuj. ains me uirent
ferir si doucemant. dedens le cuer du(n) amoureus talant. ken coir iest li cols
ke ien recuj. Li cols fu grans il ne fait ken pirier. ne nus mires neme(n)
|
|
Ien·i voi plus mais a dieu me comanc,
ke tous pensers ai laissie pour cestui:
ma belle ioie ou ma mort i atant,
ne sai le quel des ke devant li fui.
Ne me firent lors mi oel point d'anui,
ains me virent ferir si doucemant
dedens le cuer d'un amoureus talant
k'en cuer i est li cols ke ien recui.
|
|
porroit saner. se cele non quj le dart fist lancier. se de sa mai(n) juoloit ade
ser. b(ie)n emporroit le cop mortel oster. atout le fust dont iaj tel desirier
mais la pointe. dou fer nem puet sachier quele brisa dedens au cop doner.
|
|
Li cols fu grans, il ne fait k’enpirier,
ne nus mires ne m’en porroit saner
se cele non quj le dart fist lancier.
Se de sa main j’voloit adeser.
bien e∙m porroit le cop mortel oster
a tout le fust, dont i’aj tel desirier;
mais la pointe dou fer ne’m puet sachier,
qu’ele brisa dedens au cop doner.
|
|
Dame uers uous naj autre mesagier. par quj uous os mon corage en
uoier. fors ma chancon se la uoles chanter Li rois de Nauare.
|
|
Dame, vers vous n’aj autre mesagier
par qu’j vous os mon corage envoier
fors ma chancon, se la voles chanter.
Li rois de Navare.
|
