| I | |
| LA comtessa de dia si fo moiller den Guillem de peiteus. bella dompna e bo na. et enamoret se den Raembaut daurenga. e fetz de lui maintas bonas chanssos e bellas. segon q(ue) uos poiretz ue zer et entendre aissi AB ioi et ab iouen mapais. E iois e iouens ma paia. que mos amics es lo plus gais. p(er) qieu sui coindeta egaia. Epois eu li sui ueraia. beis tai(n)g qel me sia uerais. Canc de lui amar nomestrais. Ni ai cor q(ue) men estraia. |
La contessa di dia si fo moillez d’en Guillem de Peitieus. Bella dompna e bona et enamoret se d’en Raembaut d’Aurenga e fetz de lui maintas bonas chanssos e bellas segon que vos poiretz vezer et entendre aissi Ab ioi et ab ioven m’apais |
| II | |
| Mout mi plai car sai que ual mais. sel qieu plus desir que maia. E cel q(ue) primiers lo matrais. dieu prec que gran ioi latraia. Equi que mal len retraia. nol creza fors qui cel retrais. Com cuoill maintas uetz los balais. ab qel mezeis se balaia. |
Mout mi plai car sai que val mais sel q’ieu plus desir que m’aia e cel que primiers lo m’atrais Dieu prec que gran ioi l’atraia e qui que mal l’en retraia no·l creza fors qui cel retrais c’om cuoill maintas vetz los balais ab q’el mezeis se balaia |
| III | |
| E dompna qen bon pretz senten. deu ben pausar sentendenssa. En un pro cauallier ualen. pois quill conois sa ualenssa. Que laus amar apresenssa. Q(ue) do(m)pna pois ama apresen. Ja pois li pro ni li ualen. non dirant mas a uinenssa. |
E dompna q’en bon pretz s’enten deu ben pausar s’entendenssa en un pro cavallier valen pois qu’ill conois sa valenssa que l’aus amar a presenssa que dompna pois ama a presen ja pois li pro ni li valen non dirant mas avinenssa |
| IV | |
| Qieu nai chausit un pro egen. p(er) cui pretz meillura egenssa. Larc (et) adreig econoissen. On es sens econoissenssa. prec li qem aia crezenssa. Ni hom noil puosca far crezen. Qieu fassa uas lui faillimen. Sol non trob en lui faillen sa. |
Q’ieu n’ai chausit un pro e gen per cui pretz meillura e genssa larc et adreig e conoissen on es sens e conoissenssa prec li qe m’aia crezenssa ni hom no il puosca far crezen q’ieu fassa vas lui faillimen sol non trob en lui faillensa |
| V | |
| Amics la uostra ualenssa. Saben li pro eli ualen. P(er) qieu uos qier deman tenen. Suis plai uostra mantenen sa. |
Amics la vostra valenssa sabon li pro e li valen per q’ieu vos qier de mantenen si·us plai vostra mantenenssa |