I.
6
Testo Dejeanne 1909
Cortesamen vuoill comenssar
Un vers si es qui l'escout'ar,
E puois tant m'en sui entremes,
Veirai si· l poirai affinar,
Qu' eras vuoill mon chan esmerar,
E dirai vos de maintas res.
Cortesamen vuoill comenssar
Un vers si es qui l'escout'ar,
E puois tant m'en sui entremes,
Veirai si· l poirai affinar,
Qu' eras vuoill mon chan esmerar,
E dirai vos de maintas res.
II.
12
12
Assatz pot hom villanejar
Qui Cortezia vol blasmar,
Que· l plus savis e· l mieills apres
Non sap tantas dire ni far,
C' om no li posca enseignar
Petit o pro, tals hora es.
Qui Cortezia vol blasmar,
Que· l plus savis e· l mieills apres
Non sap tantas dire ni far,
C' om no li posca enseignar
Petit o pro, tals hora es.
III.
18
18
De Cortesia ·is pot vanar
Qui ben sap Mesur' esgardar;
E qui tot vol auzir quant es,
Ni tot cant ve cuid' amassar,
Del tot l'es ops a mesurar,
O ja non sera trop cortes.
Qui ben sap Mesur' esgardar;
E qui tot vol auzir quant es,
Ni tot cant ve cuid' amassar,
Del tot l'es ops a mesurar,
O ja non sera trop cortes.
IV.
24
24
Mesura es de gen parlar,
E cortesia es d' amar;
E qui non vol esser mespres
De tota vilania·is gar,
D'escarnir e de folleiar,
Puois sera sa vis ab qu' el pes.
E cortesia es d' amar;
E qui non vol esser mespres
De tota vilania·is gar,
D'escarnir e de folleiar,
Puois sera sa vis ab qu' el pes.
V.
30
30
C'aissi pot savis hom reignar,
E bona dompna meillurar;
Mas cella qu'en pren dos ni tres
E per un non si vol fiar,
Ben dcu sos pretz asordeiar,
E sa valors a chascun mes.
E bona dompna meillurar;
Mas cella qu'en pren dos ni tres
E per un non si vol fiar,
Ben dcu sos pretz asordeiar,
E sa valors a chascun mes.
VI.
36
36
Aitals amors fai a prezar
Que si meteissa ten en car;
E s'ieu en die nuill vilanes
Per mal que la·n vueilh encolpar,
Be·ill lauzi fassa·m pro muzar,
Qu'ieu n'aurai so que·m n'a promes.
Que si meteissa ten en car;
E s'ieu en die nuill vilanes
Per mal que la·n vueilh encolpar,
Be·ill lauzi fassa·m pro muzar,
Qu'ieu n'aurai so que·m n'a promes.
VII.
42
42
Lo vers e· l son vuoill enviar
A·n Jaufre Rudel outra mar,
E vuoill que l'aujon li Frances
Per lor coratges alegrar;
Que Dieus lor o pot perdonar,
O sia pechatz o merces.
A·n Jaufre Rudel outra mar,
E vuoill que l'aujon li Frances
Per lor coratges alegrar;
Que Dieus lor o pot perdonar,
O sia pechatz o merces.