Tu sei qui

Edizione diplomatica

Schede primarie

Bernat
QUan la de uentedorn.
dossaura uenta. de ues
nostre pays. mes ueiai-
re quieu senta. un ue(n)t
de paradis. per amor de la genta.
ues cui ieu sui aclis. en cui ai
mes men tenta. e mon coratge
assis. quar de totas partis. p(er) liei
tant ma talenta.

Sol lo be quem prezenta. siei bel
huelh el franc uis. que ia plus
nom cossenta. cre dieu auer con)q(ui)s.
no sai per queus en menta. quar
de re no sui fis. mas grau mes
quem repenta. que una uetz me
dis. que prozom safortis. e mal-
uatz sespauenta.

De donas mes ueiaire. q(ue) gran
falhimen fan. per so quar no so(n)
guaire. amat li fin aman. ieu
non dei ges retraire. mas so que
las uoldran. mas greu mes cun(s)
trichaire. damor aiab engan. o
plus o atrestan. cum sel q(ue)s fins

amaire.

Dona que cuidatz faire. d(e) mi
qui uos am tant. quissim ue-
zetz maltraire. e morir de tala(n).
a francha de bon aire. fessetz
mun belh semblan. tal don mos
cors sesclaire. que mout trac
gran afan. e noi dei auer dan.
quar nomen puesc estraire.

Si no fos gens uilana. e lau-
zengier sauai. ieu agra mor cer-
tana. mas aisso men retrai. de
solatz mes umana. q(ua)n luecs
es ni seschai. per q(ui)eu sai q(ua) sotz
mana. naurai enquera mai. q(ua)s-
trucs soiorn e iay. e mal astruc(s)
sa fana.

Selh sui que no soa-
na. lo ben que dieus li fai. q(ue)n
aquella se(t)mana. quant ieu par-
ti de lai. me dis en razon plana.
que mos chantars li plai. tot
arma crestiana. uolgra gues ai
tal iai. cum ieu agui et ai. quar
sol daitan se uana.

Si daisso mes certana. autra
uetz la creirai. o si que non ia
mai. no creirai crestiana.