 |
| Crestiein de troies Damors ke mait tolut (et) moy. na li ne me ueult retenir. me plaing |
 |
| ensi cades otroi. ke de moi faice son plaixir. (et) se ne me repuis tenir. ke ne men plaigne (et) di por coi. ke ceauls ki la traixent uoi. souent a lor ioie uenir (et) ie mur por ma bone foy. |
 |
| Amors por essaucier sa loi. ueult ces anemis rete nir. de sen li uient si com ie croi. casiens ne puet elle faillir. (et) ieu ke ne men puis partir. de la belle a cui ie souploi. mon cuer ki siens est li enuoi. maix de noiant la ueul seruir. se ceu li rent ke ie li doi. |
 |
| Dame de ceu ke u(ost)re sui. dites moi se greit men sa- ueis. ne nil se onkes uos conu. ains uos poise q(ua)nt vos maueis. (et) des ke uos ne me uoleis. dont seux ie uostres per anui. maix se iai deueis de nulluj. mer- cit auoir dont me souffreis. ke ie ne sai ameir autruj. |
 |
| Onkes del bouraige ne buj. dont tristans fut enpoiso(n)neis. maix plux me fait ameir ke luj. amors (et) bone uolenteis. se ne men doit sauoir mal greit. q(ua)nt de riens efforcies nen suis. fors de tant ke mes ieuls encru. per cui seux en la uoie entreis. dont ai(n)s nissi ne ne recruj. |
 |
| Cuers se ma dame ne tait chier. iai por ceu ne la guer pirais. ades soies en son doingier. des kenpris (et) comenciet lais. iai mon ueul ne ten partirais. ne por delai ne tesmaier. bien endoucist per delaier. (et) q(ua)nt pl(us) desireit laurais. plux serait douls alessaier. |
 |
| Mercit trouaixe el mien cuidier. celle fuist en tout le conpas. del monde lai ou ie la quier. maix ie croi kelle ni est pais. onkes ne fine ne ne ces. de ma doulce dame proier. proi (et) reproi sens de laier. co(n)me cil ki ne seit agais. amors seruir ne losengier. |