I.
A l'alena del vent doussa
Que Dieus nos tramet, no sai d'on,
Ai lo cor de joy sazion
Contra la dou[s]sor del frescum
5 Quant li prat son vermelh e groc.
II.
Belh m'es quan son ombriu li mon
E l'auzel desotz la verdon
Mesclon lur(s) critz ab lo chanton,
E quascus, ab la votz que a(n),
10 Jauzis son parelh en son loc.
III.
De sai sen un pauc de feton
Que lai torno·l pel al bussa,
Qu'encarit(z) son li guasta-pa,
Quais per els son gardat li don,
15 Qu'estrayns mas lo senher no·y toc.
IV.
Si·l gilos s'en van seguran
E li guardador jauzion,
Ges egual no chant e respon;
Qu'ilh van a clardat e ses lum,
20 Quan vols t'en pren ab eis lo broc.
V.
D'aquestz sap Marcabrus qui son,
Que ves luy no van cobeitan
Li guandilh vil e revolum:
Gilos que·s fan baut guazalhan
25 Meton nostras molhers en joc.
VI.
Greu cug mais que ja lur don
Aquist soldat uay qu'estraitz pla;
Seguon la natura del ca,
Pus lo guos ro e·l lebriers gron
30 Desus ves del plat bufa·l foc
VII.
Qu'entr'els non a clau ni meia
Qu'el(s) non aion del plus preon
E del frug lo prim e·l segon,
Cist fan la malveslat[z] rebon
35 Quan nos fan donar non per oc.
VIII.
Gilos pus de sa foudat bon
Enfla, ades, enfla e refon;
Saber deu qu'a·l vet(z) a puta,
Si non, digua que mays non poc.
A l'alena del vent doussa
Que Dieus nos tramet, no sai d'on,
Ai lo cor de joy sazion
Contra la dou[s]sor del frescum
5 Quant li prat son vermelh e groc.
II.
Belh m'es quan son ombriu li mon
E l'auzel desotz la verdon
Mesclon lur(s) critz ab lo chanton,
E quascus, ab la votz que a(n),
10 Jauzis son parelh en son loc.
III.
De sai sen un pauc de feton
Que lai torno·l pel al bussa,
Qu'encarit(z) son li guasta-pa,
Quais per els son gardat li don,
15 Qu'estrayns mas lo senher no·y toc.
IV.
Si·l gilos s'en van seguran
E li guardador jauzion,
Ges egual no chant e respon;
Qu'ilh van a clardat e ses lum,
20 Quan vols t'en pren ab eis lo broc.
V.
D'aquestz sap Marcabrus qui son,
Que ves luy no van cobeitan
Li guandilh vil e revolum:
Gilos que·s fan baut guazalhan
25 Meton nostras molhers en joc.
VI.
Greu cug mais que ja lur don
Aquist soldat uay qu'estraitz pla;
Seguon la natura del ca,
Pus lo guos ro e·l lebriers gron
30 Desus ves del plat bufa·l foc
VII.
Qu'entr'els non a clau ni meia
Qu'el(s) non aion del plus preon
E del frug lo prim e·l segon,
Cist fan la malveslat[z] rebon
35 Quan nos fan donar non per oc.
VIII.
Gilos pus de sa foudat bon
Enfla, ades, enfla e refon;
Saber deu qu'a·l vet(z) a puta,
Si non, digua que mays non poc.