BdT 389,20
Mss.: A 38, a¹ 189, β¹ 92 = Raimbaut d'Aurenga.
Metrica: a7 b5 b7 a7 a7 b7 b7 (Frank 475:1). Chanso di 6 coblas doblas di 7 versi, seguite da 3 tornadas di 2.
Edizioni: Pattison 1952, p. 138; Appel 1928, p. 138.
Vai al Rialto [1].
⸿Raembautz daurenga. Ben seschai qen bona cort. Chan qui chantar sap. Et ieu atendrai mon gap. Don mi tenrai plus p(er)lort. Carsa bran li sec eil sort. Qieu naurai pretz qui qen gap. Delsuint q(ue) serem el trap. |
|
Bon lendeman del beort. Leuarai el cap. La gran corona de drap. anmita ab lo nas cort. Equi lapell dreich bort. Lau q(ue) la lenga larap. Que mais fols motz noill estap. |
|
Aissi ai basat engaug. Mon cor nou efre Sc. Cades fort esaill etresc. Si qapenas ueig ni aug. Esapchal donz detalaug. qieu non sui cel que paresc. qen autre sen mentrebesc. |
|
Equis uol corn crit eflaug. damor pos ieu cresc. Sobre totz cals qen fol pesc. q(ue)u am des luc tro ad Aug. La genssor emen pelaug. tot hom cautra p(er) fadesc. Gau leu ab lieis enparesc. |
|
Per midonz ai cor estolt. Ethumil e Baut. Car salieis non fos dazaut. Jeu mestera en luoc dun uout. Que dals non pensera mout. Mas manier ete(n) gram chaut. Et agra nom raembaut. |
|
E qui uol apenre escout. Damar ben cu(m) saut. Eu faill plus que nuills ho(m) aut. El ianglos faill p(er)so molt. sol q(ue) sapil esa colt. Cuig ab lausengier despaut. dir don ma dompna faut. |
|
Ma chanssos non vuoill q(ue) faut. Mas P(er) celz de cui maz aut. p(er)enseignamen Mazaut. Demoutz qe(m) fant delur chaut. |
|
Ioglars p(er) qem desazaut. Madompna euos mifaitz baut. |
I.
Ben s’eschai q’en bona cort
chan qui chantar sap:
e ieu atendrai mon gap
don mi tenrai plus per lort;
car sabran li sec e·il sort
q’ieu n’aurai pretz, qui q’en jap,
dels vint qe serem el trap.
II.
Donc l’endeman del beort
levarai el cap
la gran corona de drap.
An Mita ab lo nas cort,
e qui l’apella dreich bort
lau que la lenga l’arap
que mais fols motz no·ill escap!
III.
Aissi ai bastit en gaug
mon cor nou e fresc,
c’ades sort e saill e tresc
si q’apenas veig ni aug;
e sapcha·l donz de Talaug
q’ieu non sui cel que paresc:
q’en autre sen m’entrebesc.
IV.
E qui·s vol, corn, crit e flaug
d’amor, pos ieu cresc
sobre totz, c’als q’en fol pesc!
Q’eu am des Luc tro ad Aug
la genssor, e m’en pelaug
tot hom c’autra per fadesc
engal’ ab lieis en paresc.
V.
Per midonz ai cor estout
et humil e baut;
car s’a lieis non fos d’azaut
ieu m’estera en luoc d’un vout:
que d’als non pensera mout
mas manjera e tengra·m chaut
et agra nom Raembaut.
VI.
E qui vol aprenre, escout
d’amar ben cum saut!
Eu saill plus que nuills hom aut;
e·l janglos saill per so mout
sol que s’apil e s’acout:
cuig’ ab lausenjar d’espaut
dir so don ma dompna faut.
VII.
Ma chanssos non vuoill que saut
mas per celz de cui m’azaut.
VIII.
Per enseignamen m’azaut
de moutz qe·m fan de lur chaut.
IX.
Joglars, per qe·m desazaut?
Ma dompna e vos mi faitz baut.
Links:
[1] http://www.rialto.unina.it/RbAur/389.20(Milone).htm