A c. di Francesco Feriozzi
 |
Raymbaut daure(n)ca .
E Ra resplan la flors enuer- sa. pels trencans rancx e pels tertres. q(ua)l flors |
 |
neus gels e conglapis. q(ue) cotz Q uar en aissius o enuerse. q(ue)l M as una gen fadænuersa. cu(m) Q uar en baizan nous enuer- se. no mo tolon pla ni tertre. dona ni gel ni conglapis. mas non poder trop en trenque. do- na per cuy chant e siscle. uos- tre belh huelh mi son giscle. quem castion si lo cor ab ioys. quieu nous aus auer talans A nat ai cum cauzen- [croys. M on uers an quaissi lenuerse. |
 |
que nol tenhon bosc ni tertre. D oussa dona amor e ioys. nos I ocglar gran re nai meynhs de ioys. quar nous uey en fas sem- blans croys. |
A c. di Francesco Feriozzi
| Raymbaut daure(n)ca . | Raymbaut d'Aurenca |
| I | I |
| E Ra resplan la flors enuer- sa. pels trencans rancx e pels tertres. q(ua)l flors neus gels e conglapis. q(ue) cotz e destrenh e trenca. don uey morz quils critz brays e siscles. en fuels (et) en rams (et) en giscles. mas mite uert e iauzen ioys. er quan uey secx los dole(n)s croys. |
Era resplan la flors enversa pels trencans rancx e pels tertres. Qual flors ? Neus, gels e conglapis, que cotz e destrenh e trenca, don vey morz quils, critz, brays et siscles en fuels e en rams e en giscles ; mas mi te vert e iauzen ioys er quan vey secx los dolens croys. |
| II | II |
| Q uar en aissius o enuerse. q(ue)l bel plan mi semblon tertre. e tenc per flor los conglapis. el caut mes uis quel freit trenq(ue). el tro mi semblo chant e siscle. e parum fulhat li giscle. aissi(m) suy ferm lassatz en ioys. que re no uey que sia croys. |
Quar enaissi.us o enverse, que.l bel plan mi semblon tertre, e tenc per flor los conglapis, e.l caut m’es vis que.l freit trenque, e.l tro mi semblo chant e siscle, e paru.m fulhat li giscle : aissi.m suy ferm lassatz en joys, que re no vey que sia croys. |
| III | III |
| M as una gen fadænuersa. cu(m) seron noirit en tertres. quem fan pro pieigz que conglapis. us quecx ab sa lengua tre(n)nca. en par la bas (et)ab siscles. e noy ual bastos ni giscles. ni menassas ans lur es ioys. quan fan so- don hom los clam croys. |
Mas una gen fada, enversa, cum s’eron noirit en tertres, que.m fan pro pieigz que conglapis, us quecx ab sa lengua trenca e.n parla bas e ab siscles, e noy val bastos ni giscles, ni menassas, ans lur es joys quan fan so don hom los clam croys. |
| IV | IV |
| Q uar en baizan nous enuer- se. no mo tolon pla ni tertre. dona ni gel ni conglapis. mas non poder trop en trenque. do- na per cuy chant e siscle. uos- tre belh huelh mi son giscle. quem castion si lo cor ab ioys. quieu nous aus auer talans |
Qu’ar en baizan no.us enverse no m’o tolon pla ni tertre, dona, ni gel ni conglapis , mas non poder trop en trenque : dona per cuy chant e siscle, vostre belh huelh mi son giscle que.m castion si lo cor ab joys, qu’ieu no.us aus aver talans croys ! |
| V | V |
| A nat ai cum cauzen- [croys. uersa. sercan rancx e uals e tertres. marritz cum selh que conglapis. cocha e mazelh e tre(n)- ca. que no conquis chans ni siscles. plus que folhs clercx conquer giscles. mas ar dieu lau malberga ioys. malgrat dels fals lauzengiers croys. |
Anat ai cum cauz’enversa sercan rancx e vals e tertres, marritz cum selh que conglapis cocha e mazelh’ e trenca, que no conquis chans ni siscles plus que folhs clercx conquer giscles - mas ar, Dieu lau !, m’alberga joys malgrat dels fals lauzengiers croys. |
| VI | VI |
| M on uers an quaissi lenuerse. que nol tenhon bosc ni tertre. lai on hom no(n) sen conglapis. ni a freit poder quey trenque. a midons lo chant el siscle. clar quel cor len introl giscle. selh que sap gen chantar ab ioys. que no tanh a chantadors croys. |
Mon vers an, qu’aissi l’enverse que no.l tenhon bosc ni tertre, lai on hom non sen conglapis, ni a freit poder que y trenque. A midons lo chant e.l siscle clar, qu’el cor l’en intro.l giscle, selh que sap gen chantar ab ioys, que no tanh a chantadors croys. |
| VII | VII |
| D oussa dona amor e ioys. nos aiuste malgrat dels croys. |
Doussa dona, amor e ioys nos aiuste malgrat dels croys ! |
| VIII | VIII |
| I ocglar gran re nai meynhs de ioys. quar nous uey en fas sem- blans croys. |
Iocglar, granren ai meynhs de ioys, qu’ar no.us vey en fas semblans croys ! |
Links:
[1] https://gallica.bnf.fr/ark:/12148/btv1b8419246t/f463.image.r=856.langFR
