[c. 7 r.]
 |
| Li rois de nauare. Ie ne voi mais nuluj q(ui) gent ne chant. ne volentiers faice feste ne ioie |
[c. 7 v.]
 |
| (et) pour cou aj ge demore longement ke naj chante ensi com ie soloie. ne ie nauraj en comandement. (et) pour icou saj ge dit folement en ma cancon de cou ke ie Grant pechie fait ke fin amj reprent. nil naime pas vauroie. ne men doit on reprendre malement. ki pour dis se chastoie. (et) la costume est tex des fins amans plus pense alj (et) il plus se desroie. quj en amour atot cuer (et) talant il doit soffrir b(ie)n (et) mal merciant. (et) quj ensj ne fait il |
 |
| se foloie. ne ia naura grant ioie ason viuant. Si mait diex onq(ue)s ne vic nuluj. tres bien amer ki sen peust retraire. (et) cil est faus (et) fel (et) plains danuj ki autrement veut mener son afaire. ha; sauies este la ou ie fuj. douce dame sainc riens damors conuj. v(ost)re fins cuers ki si pert debonaire auroit mer cj sonq(ue)s riens lot dautruj. Qvant plus men cauce amors (et) mains la fuj. cis maus autres contraires. car ki aime ainc diex ne fist celuj. nestoit souent de ses maus ioie faire. de vous amer onques ne me recruj. puis cele eure dame ke vostres fuj. ke mes fins cuers uous fist tant amoj plaire. dont maugre |
 |
| soj de cou ke ie len cruj. Si suj pensis ke ne saj ke ie quier fors ke mercj dame sil vous agree. ke b(ie)n saues ianert en reprouier dorgellex cuer bone cancons cantee. mais par pitie se doit on essauchier. ne ia orgex ne si doit herbergier. la ou il a damors tel renomee. ains doit Ie suen b(ie)n faire (et) aua(n) cier. Chancon di li ke tout cou na mestier. ke sele auoit .c. fois ma mort iuree si mestuet il remaindre en son dangier. |
| Li rois de nauare | Li Rois de Navare |
| I | |
| Ie ne voi mais nuluj q(ui) gent ne chant. ne volentiers faice feste ne ioie (et) pour cou aj ge demore longement ke naj chante ensi com ie soloie. ne ie [nauraj en comandement. (et) pour icou saj ge dit folement en ma cancon de cou ke [ie vauroie. ne men doit on reprendre malement. |
Je ne voi mais nului qui gent ne chant, ne volentiers faice feste ne joie et pour cou ai ge demoré longement, ke n'ai chanté ensi com je soloie, ne je n'aurai en comandement et pour icou s'ai ge dit folement en ma cançon de cou ke je vauroie, ne m'en doit on reprendre malement. |
| II | |
| Grant pechie fait ke fin amj reprent. nil naime pas ki pour dis se chastoie. (et) la costume est tex des fins amans plus pense alj (et) il plus se desroie. quj en [amour atot cuer (et) talant il doit soffrir b(ie)n (et) mal merciant. (et) quj ensj ne fait il se foloie. ne ia naura grant ioie ason viuant |
Grant pechié fait ke fin ami reprent, n'il n'aime pas ki pour dis se chastoie et la costume est tex des fins amans: plus pense a li et il plus se desroie. Qui en amour a tot cuer et talant, il doit soffrir bien et mal merciant, et qui ensi ne fait, il se foloie ne ja n'aura grant joie a son vivant. |
| III | |
| Si mait diex onq(ue)s ne vic nuluj. tres bien amer ki sen peust retraire. (et) cil est faus (et) fel (et) plains [danuj ki autrement veut mener son afaire. ha; sauies este la ou ie fuj. douce dame sainc riens damors conuj. v(ost)re fins cuers ki si pert debonaire auroit [mer cj sonq(ue)s riens lot dautruj. |
Si m'aït Diex! Onques ne vic nului tres bien amer ki s'en peüst retraire, et cil est faus et fel et plains d'anui ki autrement veut mener son afaire. Ha! S'avïes esté la ou je fui, douce dame, s'ainc riens d'amors conui vostre fins cuers, ki si pert debonaire, auroit merci s'onques riens l'ot d'autrui. |
| IV | |
| Qvant plus men cauce amors (et) mains la fuj. cis maus autres contraires. car ki aime ainc diex ne fist celuj. nestoit souent de ses maus ioie faire. de vous amer onques ne me recruj. puis cele eure [dame ke vostres fuj. ke mes fins cuers uous fist tant amoj plaire. dont maugre soj de cou ke ie len cruj. |
Quant plus m'encauce amors et mains la fui, cis maus autres contraires car ki aime ainc Diex ne fist celui, n'estoit sovent de ses maus joie faire. De vous amer onques ne me recrui puis cele eure, dame, ke vostres fui ke mes fins cuers vous fist tant a moi plaire, dont maugré soi de cou ke je l'en crui. |
| V | |
| Si suj pensis ke ne saj ke ie quier fors ke mercj dame sil vous agree. ke b(ie)n saues ianert en reprouier dorgellex cuer bone cancons cantee. mais par pitie se doit on essauchier. ne ia orgex ne si doit herbergier. la ou il a damors tel renomee. ains doit Ie suen b(ie)n faire (et) [aua(n) cier. |
Si sui pensis ke ne sai ke je quier fors ke merci, dame, s'il vous agree, ke bien saves ja n'ert en reprovier d'orgellex cuer bone cancons cantee, mais par pitié se doit on essauchier, ne ja orgex ne s'i doit herbergier la ou il a d'amors tel renomee, ains doit Ie suen bien faire et avancier. |
| VI | |
| Chancon di li ke tout cou na mestier. ke sele auoit .c. fois ma mort iuree si mestuet il remaindre en son dangier. |
Chançon, di li ke tout cou n'a mestier, ke s'ele avoit .c. fois ma mort juree si m'estuet il remaindre en son dangier. |
Links:
[1] https://gallica.bnf.fr/ark:/12148/btv1b60007945/f25.item
