Quan l'aura doussana bufa,
E·l gais, desotz lo brondel,
Fai d' orguoil cogot e bufa
E son ombriu li ramel;
Ladoncs deuri' hom chausir
Verai' amor ses mentir
C'ab son amic non barailla.
Testo Gaunt-Harvey-Paterson 2000
Qan l’aura doussana bufa
e·l gais de sotz lo brondel
fai d’orguoill cogot e bufa,
e son ombriu li ramel,
ladoncs deuria hom chausir
verai’ amor, ses mentir,
c’ab son amic non barailla.
II.
14
Jovens triatz non a vida,
Que ferit l'an dui cairel
Malvestatz e Cobeïda,
Laïnz entre·l cor e·l fel;
Et es ne greus ad issir,
Que no s'en laissa garir
D'avolez' e de nuailla.
Jovens triatz non a vida,
que ferit l’an d’un cairel
malvestatz e cobeïda
laïnz dentre·l cor e·l fel:
et es ne greus ad issir,
que no s’en laissa garir
d’avoleza e de nuailla.
III.
21
E·l jelos bada e musa
E fai badiu badarel,
Car qui l'autrui con capusa
Lo sieu tramet al mazel,
E qui l'estraing vol sentir,
Lo sieu fai enleconir
E·l met en la comunailla.
E·l jelos luita e musa,
e fai badiu badarel,
car qui l’autrui con capusa,
lo sieu tramet al mazel:
e qui l’estaing vol sentir
lo sieu fai enleconir
e·l met en la comunailla.
IV.
28
Ges non viu de manna dreicha
Cum fetz lo trips d'Israel,
Flaira fum qui non s'apreicha,
E· l tornes en bufarel,
Ni li plus non volon dir
Vertat, tant volon mentir,
Per conseill de garsonailla.
Ges non viu de manna dreicha,
cum fetz lo trips d'Israël,
Flaira-Fum, qui no·n s’abreicha,
e·l torn’ es en bufarel:
ni·l plus ric no·n volon dir
vertat, tant volon mentir
per conseill de garsonailla.
V.
35
Laig torn' en ufanaria
Dompneiar ist cornudel,
Mantenon la drudaria
E·il tol' e·il vesto·l capel;
Pois no m'en ans esclarzir
Ni mon talan ademplir,
An puois co·is pot, Dieus, m'en vailla!
Laig torn’ en ufanaria
dompneiar [q]i ’st cornudel
manten en la drudaria,
e·il tol e·il vest a[o]l capel.
Pois no m’en aus esclarzir,
ni mon talan ademplir,
an pur co·is pot, Dieus m'en vailla.