Robers de le piere .
. . . C . ele qui iaim veut que ie chant por li. . si nai pooir que ie le contredie. ainz cha(n) - terai puis que il est einsi. quar son (com) - . . mors quele le preigne en gre. car por
quant que ie chanterai. toz les iors de . |
|
est en li adrecie. dont ni faut rienz. or len doint dex plente. mestier mauroit. car ie nai volente. fors que de li amer si lamerai. toz les iors de ma vie. De ce sui liez que iai si bien choisi. car la ou sens valors et cortoisie. sunt assamble. doiuent trouer ami. ioie damors quant il lont desseruie. si seruirai tant que iau(ra)i proue. son puet amors (con)querre en loiaute. et par soufrir. car ace me tendrai. toz les iors de ma vie. Ia ne verrai mon cuer damors parti. ai(n)z amerai cele que iai choisie. si me doit bien estre en la fin meri. tort et pechie. fera sele moublie. maiz amors a seur li tel poeste. et ele a tant de debonairete. quen cel espoir sa merci atendrai. toz les iors de ma vie. Et se gi faill dont ma mort et trahi. et pluz amors cui iai toz iors seruie. et non - porquant se iauoie failli. aestre amez. saim ie mieuz le moitie. en bien seruir auoir mon tans vse. que on meust por trecherie ame. (com)ment quil aut loiaute maintendrai. toz les iors de ma vie. A le bisete oedain sage et iolie. ten va cha(n) - con di li par verite. (con)ques bon cuer ne vi desespere. loiaus amans fui et sui et serai. toz les iors de ma vie. |